Parlamento di Kòrsou a risibí un grupo di studiante di Nilda Pinto SBO komo parti di e materia AMK (Algemeen Maatschappelijk kwalificatie), moduul: Staatsinrichting en politiek.

Durante e bishita, Miembronan di Parlamento Sr. David Seferina huntu ku Sr. Ruisandro Cijntje, a duna un splikashon informativo tokante e tarea di e Miembronan di Parlamento i funshonamentu di Parlamento.

E studiantenan a partisipá aktivamente, a hasi pregunta i a mustra interes den e informashon.

Na final di e programa, e studiantenan a bishitá e sala di Parlamento for di e tribuna di públiko, kaminda nan a risibí oportunidat pa persibí di aserka un enkuentro, den e kaso aki un ‘Ora di pregunta’, den praktiká.