Detenshon pa maltrato, menasa i sekuestro

KUERPO POLISIAL KÒRSOU
KOMUNIKADO DI PRENSA
402/2025
21 òktober 2025
Detenshon pa maltrato, menasa i sekuestro
Djamars 21 di òktober alrededor di 08.55’or, Sentral di Polis a risibí
informashon di un posibel kaso di maltrato, menasa i sekuestro.
Un hòmber lo a maltrata un dama i menas’é dor ku e dama kier a terminá e relashon.
Despues e hòmber a hinka e dama den un vehíkulo i a bai kuné kontra di su boluntat.
Kontinuando ku e investigashon polis a lokalisá e pareha den área di Parke Industrial na Brievengat.
Mesora a hasi detenshon di e hòmber H.T.H.F.M. di 31 aña di edat nasé na Kòrsou pa maltrato, menasa i sekuestro di e dama.
A present’é dilanti di un fiskal ouksliliar, ku a ordená su enkarselamentu pendiente di mas investigashon.
