“𝑹𝒐𝒖𝒏𝒅 𝑻𝒂𝒃𝒍𝒆” 𝒑𝒂 𝑷𝒓𝒆𝒔𝒊𝒅𝒆𝒏𝒕𝒆𝒏𝒂𝒏, 𝑫𝒊𝒓𝒆𝒌𝒕𝒐𝒓𝒏𝒂𝒏 𝒊 𝒎𝒊𝒏𝒊𝒔𝒕𝒆𝒓𝒏𝒂𝒏 𝒏𝒂 𝑭𝑪𝑪𝑨 𝑷𝒖𝒆𝒓𝒕𝒐 𝑹𝒊𝒄𝒐. 

“𝑹𝒐𝒖𝒏𝒅 𝑻𝒂𝒃𝒍𝒆” 𝒑𝒂 𝑷𝒓𝒆𝒔𝒊𝒅𝒆𝒏𝒕𝒆𝒏𝒂𝒏, 𝑫𝒊𝒓𝒆𝒌𝒕𝒐𝒓𝒏𝒂𝒏 𝒊 𝒎𝒊𝒏𝒊𝒔𝒕𝒆𝒓𝒏𝒂𝒏 𝒏𝒂 𝑭𝑪𝑪𝑨 𝑷𝒖𝒆𝒓𝒕𝒐 𝑹𝒊𝒄𝒐.
Durante e Konferensia di Florida-Caribbean Cruise Association (FCCA) na Puerto Rico, Mi a tuma parti di un Round Table ku Presidentenan, CEO nan i Ministernan di diferenten isla i pais den e region.
E tipo di enkuentro aki tin un balor grandi, e ta duna nos oportunidad pa kompartí informashon riba e trabounan ku tin aktualmente andando na kada un di e paisnan presente. Bo ta haña e oportunidat pa skuchá i siña for di eksperensia di otro, i pa fortalesé relashon estratégiko ku ta fundamental pa e desaroyo di e industria di krusero.
Ta hopi inspirativo pa mira kon e otro paisnan ta traha, pero tambe ta un motibu di orguyo pa notá ku Curaçao Ports Authority (CPA) tin Kòrsou na un nivel haltu kompará ku hopi otro puerto den e región Karibe. E ta mustra ku nos direkshon ta kla i nos esfuersonan ta duna resulta real.
E tipo di dialogo i kolaborashon internashonal aki ta esensial pa kontinua krese, inová, i pa sigui pone Kòrsou den un posishon di liderasgo den e industria maritimo i di krusero.
I asina nos ta wak bèk riba un biahe di trabou frutifero kaminda ami komo minister di VVRP huntu ku CPA ta bini bèk kas ku informashon nobo, strategia nobo, i tambe meta nan nobo pa kumpli kune!