Un leyenda di baseball di Korsou i partikularmente di Koraal Specht , Dominguitu i besindario a bai laga nos den persona di Teofilo Chofi Veld.

Chofi Veld tbt mas ku 60 aña aktivo den e mundu di deporte na Korsou spesialmente den e deporte di baseball i tambe softbol.

Chofi Veld a traha hopi aña den Prizon na Koraal Specht i e disiplina ei el a pasa tambe den e deporte di baseball.

E no a krea solamente bon pelotero so pero mas importante bon siudadano pa nos pais.

Chofi Veld banda di deporte a deliver diferente polis, douanero, maestro di skol i otro funshon nan haltu den nos komunidat. Baseball tbt importante pero tambe disiplina , edukashon i enseñansa.

Chofi Veld tbt un Mentor den baseball i tambe Bida di masha hopi persona. El a eduka i krea bon siudadanonan na su sistema i hasiendo masha hopi sakrifisio mes.

Un tremendo persona ku un karakter firme pero tambe ku un bon kurason pa su muchanan.

Su kreashon di mas grandi ku e ta super orguyuso di dje ta Ozaino Ozzie Albies segunda base di Atlanta Braves i tambe Sherten Apostel ku a hunga ku e ekipo di Texas Rangers.

Alexander Eten en Drinken Makaja i Amado Vilchez ta manera su 2 yunan di kriansa ku a keda yude semper den su Stichting ku ta atende ku e tereno ku ta karga su nomber aya na Koraal Specht pega ku entrada di Landfill.

Asina ki banda di e nombernan ei por menshona masha hopi nomber mas di peloteronan ku Chofi a siña hunga baseball i a moldea nan tambe pa bira bon siudadano di Korsou.

Teofilo Chofi Velt masha masha danki pa tur loke ku ba nifika pa nos tur den nos Bida.

Hamas i nunka nos lo lubida bo i lo bo keda pa semper den nos Mente i nos Kurason. Kondolensia i forsa na su kasa Lidwina, yunan,nietunan i demas famia ,amigu i konosinan.

Deporte di Korsou a perde un grandi mas ku a bai nos dilanti.

Ku Teofilo Chofi Veld sosega na pas den brasa di Señor