Delegashon di Parlamento den Senado di Colombia

Djárason, 29 di òktober 2025, e delegashon di komishon fiho di Tráfiko, Transporte i Planifikashon Urbano di Parlamento tabatin e honor di por a drenta i presensia un seshon Plenario bibu di e Kámara di Representantenan. E delegashon a risibí un bon biní ofisial di parti di e Visepresidente di e Kámara, sr. Daniel Carvalho, promé ku a sera konosí ku su persona i sinta eksperensia e debate andando.

Despues di esaki e delegashon a ser guiá pa e sala di Senado kaminda tambe tabatin un reunion. Akinan un bes mas e presensia di e delegashon a keda rekonosé di forma ofisial pa despues a tuma asiento. Ta importante menshoná ku e presidente di komishon, sr. Lourens, a haña oportunidat pa asta dirigí su mes na e Senado. Tabata vários di e Senadornan i Representantenan di e Kámara ku a keda enkantá ku e bishita di e delegashon di Kòrsou. Alabes sra. Camelia-Römer i sr. Elhage a keda entrevistá pa prensa kolombiano.

Un otro un bishita ku e delegashon a realisá tabata serka e direktor di CAFAM (Caja de Compensación Familiar), sr. Luis Gonzalo Giraldo, den forma di un “ontbijtbijeenkomst”. Esaki a nifiká ku turesten tabata risibí e presentashon di parti CAMAF relashoná ku e diferente tareanan i proyektonan ku nan tin, a kompartí tambe un desayuno ku otro. CAMAF ta un organisashon 100% privá ku ta risibí entrada di diferente manera. Tantu organisashonnan privá komo públiko ta kontribuí den e fondo di manera ku por entre otro yuda personanan ku supsidio pa kumpra kas, ku bou di sirkunstansianan normal, nunka lo bini na remarke pa un supsidio. Asina tin mas benefisio ku CAFAM ta ofresé e empresanan ku ta afiliá na dje. E interkambio di informashon a kana den un esfera ameno.