Promé Minister Gilmar Pisas a presensiá e International Karate Championship na Stadion Ergilio Hato
WILLEMSTAD, djasabra 8 di novèmber 2025 – Awe Promé Minister Gilmar Pisas a presensiá e International Karate Championship na Stadion Ergilio Hato, organisá pa Karate Do Buena Vista den kuadro di nan selebrashon di 35 aña di aniversario.
E evento deportivo grandi aki ta un testimonio di disiplina, rèspèt i dedikashon pa ku e deporte di karate.
Bou di guia di Curaçao Karate Bond (CuKarBo), paisnan manera Aruba, Bonaire, Guyana, Trinidad & Tobago, Santo Domingo i Sürnam i Kòrsou a partisipá den e kompetensia internashonal aki.
Promé Minister Pisas ta expresá su orguyo pa mira kon e deporte di karate ta kontribuí na formashon di karakter, disiplina i un estilo di bida saludabel den nos komunidat.
Promé Minister Pisas ta deseá tur partisipantenan hopi èksito i ta felisitá Karate Do Buena Vista ku nan 35 aña di impakto positivo riba nos hobennan di Kòrsou.
