Lo Fo Wong manager nobo di Conduct Supervision Reklutamentu di direktor nobo pa Sint Maarten en marcha
Lo Fo Wong manager nobo di Conduct Supervision
Reklutamentu di direktor nobo pa Sint Maarten en marcha
WILLEMSTAD/PHILIPSBURG — Centrale Bank van Curaçao en Sint Maarten (CBCS) ta anunsiá ku entrante 1 di yanüari 2026, Raquel Lo Fo Wong, direktora di ofisina di CBCS na Sint Maarten, lo bira Conduct Supervision Division Manager di CBCS. Ku e paso akí, Sra. Lo Fo Wong ta kontinuá su karera den nos organisashon i lo sigui kontribuí, ku su konosementu i ekspertisio, pa hasi CBCS mas i mas fuerte riba tereno di supervishon.
For di dia ku el a asumí su kargo komo direktora di e ofisina di CBCS di Sint Maarten na 2019, el a bin ta forma relashon konstruktivo ku e stakeholder- i partnernan den sektor finansiero. Hunta di Direktiva ta gradisí Sra. Lo Fo Wong pa su aporte balioso i ta dese’é tur klase di éksito den su funshon nobo.
Entretantu, e proseso pa reklutá un direktor nobo ta andando. Ta buskando un kandidato ku eksperensia amplio riba tereno di maneho i afinidat fuerte ku sektor finansiero. E teksto kompleto di e vakatura ta disponibel riba wèpsait di CBCS, na: https://www.centralbank.cw/about-the bank/job-openings. Lo prepará e traspaso di funshon diligentemente pa garantisá un transishon suave i kontinuidat di e aktividatnan.
Willemstad, 12 di novèmber 2025
CENTRALE BANK VAN CURAÇAO EN SINT MAARTEN
