Detenshon pa violashon di lei di arma di kandela
KUERPO POLISIAL KÒRSOU
KOMUNIKADO DI PRENSA 446/2025 23 novèmber 2025
Detenshon pa violashon di lei di arma di kandela
Djadumingu 23 di novèmber 2025 alrededor di 02.29’or, personal di U.S.T. a hasi dos detenshon pa violashon di lei di arma di kandela.
Durante di patruyahe riba Cubaweg, e unidat a topa dos hòmber ku tabata aktua di forma sospechoso.
Na momentu ku a bai kontrolá nan, un di nan a kore bai.
Mesora a detené e sospechoso A.G.L.N. di 35 aña di edat i a konfiská un arma di kandela.
Djis un ratu despues, riba Cubaweg, polis a detené e otro sospechoso ku a kore bai, e hòmber T.M.S.J. di 32 aña di edat.
Tur dos ta nasé na Kòrsou.
A presentá e duo dilanti di un fiskal ouksiliar ku a ordená su enkarselamentu pendiente di mas investigashon.
