Kaso di ladronisia òf intento di esaki
KUERPO POLISIAL KÒRSOU
KOMUNIKADO DI PRENSA
445/2025
23 novèmber 2025
Kaso di ladronisia òf intento di esaki
Djadumingu 23 di novèmber 2025 alrededor di 03.47, Sentral di Polis a dirigí un unidat polisial pa depósito di un establesimentu riba F.D. Rooseveltweg ku ta bende aparatonan elektróniko, pa un kaso di ladronisia.
Na yegada di e unidat, el a konstatá ku deskonosínan a hasi uso di un ‘slijptol’ pa kibra kandal di un konteiner ku tabata ubiká riba e tereno di e negoshi. For di investigashon realisá na e sitio, a resultá ku malechornan a bai i/o intentá na bai ku un kantidat di televishon.
Polis a bin topa parti pafó kantu di e establesimentu, tres televishon ku tabata kla poné pa bai kuné.
Den un vèn ku tabatin riba e tereno tambe tabatin dos televishon mas, ku probablemente e sospechosonan tabatin kla pa transportá.
Polis a tuma nota di un lòli ku tambe lo a keda usá pa e ladronnan a para ariba i asina haña aksesko na e establesimentu.
Personal di reshèrshi tékniko i táktiko ta enkargá ku e investigashon. Polis ta hasi un apelashon na tur siudadano ku por tin informashon tokante di e kaso aki pa drenta den kontakto ku polis na 917 òf 108.
Alabes un petishon pa no kumpra artíkulonan prosedente di ladronisia, ya ku esaki ta kastigabel pa lei i bo ta kore rísiko grandi di kai será.
