Durante Asamblea General di Interpol na Marrakech, mi ta hasi uso di oportunidatnan ku tin pa interkambia ku otro paisnan tambe riba nan forma pa kombatí kriminalidat, pero tambe koperashon riba diferente tereno.

Durante interkambio ku Turkia, nan a indiká ku nan tin un akademia polisial ku ta duna alrededor di ± 350 tipo di edukashon polisial, tantu virtual pero tambe edukashon ku nos hendenan lokal for di Kòrsou lo por partisipá na dje. Turkia su Minister di Asuntunan Interior, Münir KARALOĞLU a indiká ku nan ta habri pa nos por bishita nan i pa yuda nos risibí mas informashon riba e nivel di edukashon polisial.