Dos atardi pa inskripshon pa personanan di proyekto “Tuma bo permit”
Maneho di Gobernashon, Planifikashon i Servisio Públiko
Dos atardi pa inskripshon pa personanan di proyekto “Tuma bo permit”
Publiká riba 02 Desèmber 2025
Willemstad – Asuntunan Públiko esta Kranshi di e ministerio di Maneho di Gobernashon, Planifikashon i Servisio Públiko ta informá ku djárason 14 i djaweps 15 di dezèmber 2025, Kranshi ta habri 2 atardi èkstra pa solamente inskribi personanan ku a tuma permit den proyekto “Tuma bo permit “
Toelatingsorganisatie esta Inmigrashon tin un proyekto nobo ku yama “Tuma bo Pèrmit”. Relashoná ku e proyekto aki Kranshi ta habri orario ékstra e djárason i djaweps benidero di 3:30 pa 6:00 di atardi. No mester di sita durante e orario aki pa bin registrá. Kranshi ta habri ékstra pa evitá ku por tin kantidat grandi di kliente durante orario normal di Kranshi.
Personanan ku mester inskribí mester presentá ku:
- Pasport bálido
- Stèmpel di pèrmit di estadia den pasport (Organisashon di Atmishon Kòrsou)
- Desishon imprimí di permiso di estadia (Organisashon di Atmishon Kòrsou)
- Akta di nasementu original (apostilla/legalisashon), no mas ku 1 aña bieu
- Direkshon korekto na Kòrsou (nòmber di kaya i e number di residensia)
- Prueba di residensia (un di e siguientenan):
- Kontrato di hür bálido i firmá
- Outorisashon di residente prinsipal + kopia di su ID bálido
- Akta di kompra
- Pèrmit di konstrushon
- Formulario di ROP pa direkshon (si ta nesesario)
- Prueba di des-inskripshon (si e pais ku e ta saliendo ta den Reino Hulandes) no mas ku 1 aña bieu
Pa mas informashon por bishitá e website di gobièrnu di Kòrsou ku ta www.gobiernu.cw
