Delegashon di NCSC ta eksplorá koperashon di resiliensia sibernétiko Kòrsou / NCSC-delegatie verkent samenwerking cyberweerbaarheid Curaçao
Siman pasá un delegashon di ‘Nationaal Cyber Security Centrum Nederland’ (NCSC-NL), bou di guia di direktor general Matthijs van Amelsfort, a hasi un bishita di trabou na Kòrsou. Eefje Zents, direktor di Koperashon di Resiliensia Digital na NCSC, tambe tabata forma parti di e delegashon. E bishita tabata den kuadro di interkambio di konosementu, koperashon i fortifikashon di resiliensia sibernétiko den Reino.
Imágen: © Vertegenwoordiging van Nederland
Direktor general di Nationaal Cyber Security Centrum Nederland, Matthijs van Amelsfort
No ta un luho, sino nesesidat
Durante e Siman di Maneho di Krísis na Kòrsou, Van Amelsfort a tene un diskurso prinsipal tokante importansia di resiliensia sibernétiko den un komunidat ku ta digitalisando mas i mas. El a enfatisá ku menasanan sibernétiko no konosé frontera i ku kolaborashon den Reino ta esensial pa garantisá siguridat digital.
“Resiliensia sibernétiko no ta un luho, sino un nesesidat pa gobièrnu, kompania i siudadano. Uniendo forsa nos por reakshoná mihó riba menasa i protehá nos infrastruktura digital”, Van Amelsfort a bisa.
Responsabilidat komun
Aparte di e konferensia, e delegashon di NCSC a bishitá diferente ministerio i organisashon den sektornan vital na Kòrsou. Durante e kombersashonnan akí a kompartí ‘best practices’ i a diskutí posibilidatnan pa mas koperashon. E bishita asina pues no tabata un evento aislá. Punto di atenshon partikular tabata e Ret di resiliensia sibernétiko. NCSC ta enfatisá ku resiliensia sibernétiko ta un responsabilidat komun i ta hasi un yamada riba tur organisashon na Kòrsou i den Reino hinter, pa partisipá aktivamente na e Ret di resiliensia sibernétiko. Kompartiendo konosementu i kolaborando huntu, Reino den su totalidat por bira mas resistente pa menasanan digital.
Sinku prinsipio básiko
NCSC ta konsehá organisashonnan, sin importá grandura, pa tuma komo punto di salida sinku prinsipio básiko pa resiliensia digital. Si apliká nan konsekuentemente, bo ta fortifiká protekshon di bo sistema- i datonan.
- Identifiká riesgonan
Ora bo identifiká bo riesgonan, bo sa kiko bo tin ku protehá i kua medidanan ta apropiá al respekto. - Promové komportashon sigur
Konsientisá kolaboradónan di e riesgonan i pèrkurá pa un ambiente sigur pa mèldu insidente. - Protehá sistema-, aparato i aplikashonnan
Skohe pa konfigurashonnan seif i keda vigilá bo serkania, di manera ku bo ta siñalá problemanan na tempu. - Manehá akseso
Duna bo kolaboradónan solamente akseso na dato i servisio ku ta nesesario pa nan hasi nan trabou. - Prepará bo mes
Ensayá diferente senario, traha regularmente back-up i tèst esakinan tambe. Asina bo por reakshoná i drecha rápido.
Hopi insidente digital ta ser okashoná debí ku e medidanan di protekshon básiko no ta na òrdu. Esei ta di lamentá, pasobra hopi bia ku pasonan relativamente simpel, ya bo por hasi bo organisashon digitalmente mas resistente kaba.
Vorige week bracht een delegatie van het Nederlandse Nationaal Cyber Security Centrum (NCSC-NL) onder leiding van algemeen directeur Matthijs van Amelsfort een werkbezoek aan Curaçao. Ook Eefje Zents, directeur Samenwerking Digitale Weerbaarheid bij het NCSC, maakte deel uit van de delegatie. Het bezoek stond in het teken van kennisdeling, samenwerking en het versterken van de cyberweerbaarheid binnen het Koninkrijk.
Algemeen directeur van het Nederlandse Nationaal Cyber Security Centrum Matthijs van Amelsfort
Geen luxe, maar noodzaak
Tijdens de Week van de Crisisbeheersing op Curaçao hield Van Amelsfort een keynote over het belang van cyberweerbaarheid in een steeds digitaler wordende samenleving. Hij benadrukte dat cyberdreigingen geen grenzen kennen en dat samenwerking binnen het Koninkrijk essentieel is om digitale veiligheid te waarborgen.
“Cyberweerbaarheid is geen luxe, maar een noodzaak – voor overheden, bedrijven en burgers. Door krachten te bundelen kunnen we beter inspelen op dreigingen en onze digitale infrastructuur beschermen,” aldus Van Amelsfort.
Gezamenlijke verantwoordelijkheid
Naast de conferentie bracht de NCSC-delegatie bezoeken aan diverse ministeries en organisaties in vitale sectoren op Curaçao. Tijdens deze gesprekken werden best practices gedeeld en mogelijkheden voor verdere samenwerking besproken. Het bezoek staat daarmee niet op zichzelf. Bijzonder aandachtspunt was het Cyberweerbaarheidsnetwerk. Het NCSC benadrukt dat cyberweerbaarheid een gezamenlijke verantwoordelijkheid is en roept organisaties op Curaçao en in het hele Koninkrijk op om actief deel te nemen aan het Cyberweerbaarheidsnetwerk. Door kennis te delen en samen te werken, kan het Koninkrijk als geheel weerbaarder worden tegen digitale dreigingen.
Vijf basisprincipes
Het NCSC adviseert organisaties – ongeacht omvang – om vijf basisprincipes voor digitale weerbaarheid als uitgangspunt te nemen. Door ze consequent toe te passen, versterk je de beveiliging van je systemen en data.
- Breng risico’s in kaart
Door je risico’s in kaart te brengen weet je wat je beschermen moet en welke maatregelen daar passend bij zijn. - Bevorder veilig gedrag
Maak medewerkers bewust van risico’s en zorg voor een veilige omgeving voor het melden van incidenten. - Bescherm systemen, apparaten en applicaties
Kies voor veilige instellingen en monitor je omgeving, zodat je problemen tijdig signaleert. - Beheer toegang
Geef medewerkers alleen de toegang tot data en diensten die nodig is om hun werk te doen. - Bereid je voor
Oefen verschillende scenario’s, maak regelmatig back-ups en test deze ook. Zo kun je snel reageren en herstellen.
Veel digitale incidenten worden veroorzaakt doordat de basisbeveiligingsmaatregelen niet op orde zijn. Dat is jammer, want vaak kun je met relatief eenvoudige stappen je organisatie al een stuk digitaal weerbaarder maken.