PO POLISIAL KÒRSOU 

 

KOMUNIKADO DI PRENSA

478/2025

11 desèmber 2025 

Kontròl di tráfiko 

Djaweps 11 di desèmber 2025 entre 10.15’or pa 11.43’or, personal di warda di  polis Barber konhuntamente ku departamentu di tráfiko i UST a tene kontròl  di tráfiko. 

E kontròl tabata dirigí riba velosidat haltu riba Weg naar Westpunt. 

A repartí 33 prosès verbal pa velosidat haltu i dos prosès verbal pa otro violashonnan di e Ordenansa di Tráfiko di Kòrsou 2000. 

E kontròlnan aki ta kontinuá.