ORARIO ADISHONAL PA PERSONANAN KU PÈRMIT DI ESTADIA BIN INSKRIBÍ SIN SITA
Maneho di Gobernashon, Planifikashon i Servisio Públiko
ORARIO ADISHONAL PA PERSONANAN KU PÈRMIT DI ESTADIA BIN INSKRIBÍ SIN SITA
Publiká riba 12 Desèmber 2025
Willemstad – Asuntunan Públiko esta Kranshi di e ministerio di Maneho di Gobernashon, Planifikashon i Servisio Públiko ta informá ku djamars 16 di dezèmber 2025, Kranshi ta keda habrí un atardi èkstra. Esaki spesial pa solamente pa personanan ku a risibí nan pèrmit di estadia por bin inskribí nan mes.
Den kuadro di e proyekto nobo ku yama “Tuma bo Pèrmit” di Toelatingsorganisatie Curaçao, esta Inmigrashon. Kranshi ta bai keda habrí ékstra ora e djamars benidero di 3:30 pa 6:00 di atardi. Durante e orario èkstra aki e personanan ariba menshona por pasa i inskribí nan mes. No mester di sita pa bin registrá.
Asuntunan Públiko ta habri e atardi aki spesial pa e personanan por pasa inskribí sin ku mester tin algomerashon durante oranan normal di servisio na kranshi.
Personanan ku mester inskribí mester presentá ku:
- Pasport bálido
- Stèmpel di pèrmit di estadia den pasport (Organisashon di Atmishon Kòrsou)
- Desishon imprimí di permiso di estadia (Organisashon di Atmishon Kòrsou)
- Akta di nasementu original (apostilla/legalisashon), no mas ku 1 aña bieu
- Direkshon korekto na Kòrsou (nòmber di kaya i e number di residensia)
- Prueba di residensia (un di e siguientenan):
- Kontrato di hür bálido i firmá
- Outorisashon di residente prinsipal + kopia di su ID bálido
- Akta di kompra
- Pèrmit di konstrushon
- Formulario di ROP pa direkshon (si ta nesesario)
- Prueba di des-inskripshon (si e pais ku e ta saliendo ta den Reino Hulandes) no mas ku 1 aña bieu
Pa mas informashon por bishitá e website di gobièrnu di Kòrsou ku ta www.gobiernu.cw
