Partisipa na elekshon di Reina, Prins i Pancho di muchanan, duo tiener i tambe Reina, Prins i Pancho grandi a presenta nan trahenan karnavalesko dilanti di un hurado.

E partisipantenan ku ta partisipa na elekshon di Reina, Prins i Pancho di muchanan, duo tiener i tambe Reina, Prins i Pancho grandi, ku lo tuma luga dia 11 di yanüari 2026, a presenta nan trahenan karnavalesko dilanti di un hurado di 6 persona rekonosí den mundu di Karnaval, kende a husga e kreashonnan.

E presentashon a kana di un manera hopi eksitoso, kaminda tur kos a pasa na òrdu i puntualmente, manera Beehives ta para p’e : “Ban na ora”.

Na nomber di Beehives i IBFF, nos ke gradisí tur partisipante pa nan gran esfuerso i dedikashon, i for di awor nos ta desea nan tur hopi eksito den nan partisipashon pa dia 11 di yanüari 2026.