13 di YANÜARI 2026 Charla: “FERKOUT I GRIP” na Sentro di bario Souax

13 di YANÜARI 2026 Charla: “FERKOUT I GRIP” na Sentro di bario Souax

 
Fundashon Pro Souax i Sentro di bario Souax, ta informá habitantenan di Souax, Gato, Zegu i bisindario i demas interesado ku djamars próksimo 13 di yanüari lo tin pa loke ta 2026 e promé charla di e siklo di charla ” SALÚ I KUIDO DI BO SALÚ”.
E siklo di charla tin komo meta pa duna informashon i di e forma aki konsientisá habitantenan di Souax i bisindario i tambe otro interesadonan riba diferente aspekto di salú i kon di un manera responsabel kuida nan salú. . 

E diferente charlanan di e siklo di charla “Salú i kuido di salú” lo ta na enkargo di
DR. OCTAVIO OLIVA, dòkter di famia pa bario di Souax.  E tópiko ku dr. Oliva lo trata e luna aki ta: “FERKOUT I GRIP” . Lo e amplia riba e diferensianan mas importante entre ferkout i grip. Di kon grip por ta mas grave i e importansia di tuma e vakuna anual kontra grip. Bin skucha pa bo ta bon informá kon kuida bo salú.

Entrada ta grátis i lo tin amplio oportunidat pa hasi pregunta. 
Un i tur ta keda kòrdialmente invitá pa bin skucha informashonnan interesante riba e tópiko aki.