Parlamento di Kòrsou a deliberá ku Minister Presidente enkuanto informashon ofisial riba situashon di seguridat i desaroyonan den region.”

Djaluna, 12 di yanüari 2026, Presidente di Parlamento, sr. Fergino Brownbill, a habri e reunion di Komishon Sentral, pa miembronan di Parlamento por hasi pregunta na Minister Presidente sr. Gilmar Pisas, tokante e promé punto di agènda, kual ta “enkuanto informashon ofisial riba situashon di seguridat i desaroyonan den region.”

Na final di e promé tanda, Minister Presidente, sr. Gilmar Pisas, a pidi un dia pa por elaborá i kontestá e preguntanan.

Alabes Komishon Sentral a trata 4 proposishon:

· “Proposishon di biahe pa PARLATINO relashoná ku partisipashon na e di dos Foro Económiko Internacional América Latina y el Caribe,” ku tema: “Cómo posicionar a la región en el escenario global?” E foro lo tuma lugá di 26 te ku 30 di yanüari 2026 na Panamá.

· “Proposishon di biahe pa reunionnan Interparlamentario di Reino (IPKO),” ku lo tuma lugá di 19 te ku 21 di febrüari 2026, i e Reunion Tripartiet, kual lo tuma lugá djaluna, 23 di febrüari 2026 na Aruba.

· “Proposishon di biahe pa ParlAmericas,” relashoná ku partisipashon na: “Catalysing Regional Action on Technology-Facilitated Gender-Based Violence (TFGBV) Against Women in Public Life: Supporting Parliamentary Action” i “The First Gathering of the ParlAmericas Parliamentary Network on Security”, kual lo tuma lugá 21 di yanüari 2026 na Port of Spain, Trinidad and Tobago.

· “Proposishon di biahe pa Sint Eustatius,” relashoná ku selebrashon di “First Salute”, kual lo tuma lugá djaluna, 16 di novèmber 2026.

Parlamento a bai di akuerdo ku tur kuater proposishonnan di biahe.

Presidente di Parlamento a skòrs e reunion, pa djabièrnè, pendiente pa Promé Minister Pisas kontestá e preguntanan hasí dor di e Miembronan di Parlamento den promé tanda.