Kachó a morde menor di edat
KUERPO POLISIAL KÒRSOU
KOMUNIKADO DI PRENSA
018/2026 20 yanüari 2026
Kachó a morde menor di edat
Djaluna 19 di yanüari 2026 alrededor di 12.18’or, Sentral di Polis a risibí notifikashon di un kaso kaminda kachó a morde un mucha muhé chikí den Kaya Sepelin.
Na yegada di e unidat polisial a bin topa ku un menor ku mordé na su kará.
For di investigashon ku polis a hasi na e sitio a sali na kla ku un wela a sali su kas ku su ñetu pa bai bishitá un bisiña.
Na momentu ku el a yega na e bisiña un kachó a bula muraya di un kurá di kas i a morde e menor na varios parti di su kará.
Ku ambulans a transport’é pa Sala di Emergensia di C.M.C. pa risibí tratamentu médiko avansá.
Investigashon den e kaso aki ta kontinuá.

