Minister Boekhoudt a hasi su promé bishita di trabou na Ministerio di Salubridat, Medio Ambiente i Naturalesa

Wilemstad – Diamars 20 di yanüari, e minister nobo di Salubridat, Medio Ambiente i Naturalesa a hasi su promé bishita di trabou serka e tim di maneho i personal di e Ministerio di GMN. Durante  su bishita, minister Boekhoudt a interkambiá informashon ku e tim di maneho riba diferente tema ku ta regardá Salubridat publiko. Tambe a identifiká prioridatnan den e maneho di Salubridat publiko i a hasi sierto palabrashonnan tokante asuntunan pendiente den e sektor. Minister Boekhoudt a indiká ku lo pone atenshon inmediato riba medidanan pa prevenshon di malesa, bahamentu di listanan di espera i fortifikashon di e promé liña di kuido aki na Kòrsou.

Te ku fin di luna aki minister Boekhoudt lo bishitá diferente entidatnan den e sektor di kuido pa sera konosí ku nan i tuma nota di asuntunan ku tin ku haña atenshon di parti di Gobièrnù.