KUERPO POLISIAL KÒRSOU 

 

KOMUNIKADO DI PRENSA 020/2026 

20 yanüari 2026 

Outo a dal un peaton 

Djamars 20 di yanüari 2026 alrededor di 09.25’or, Sentral di Polis a dirigí un unidat di polis pa Gato pa un aksidente di tráfiko kaminda outo a dal un peaton. 

Na yegada di e unidat, el a topa un persona heridá i tabata rekerí presensia di ambulans. Kontinuando ku e investigashon ku polis a hasi na e sitio a sali na kla ku nèt na momentu ku  e peaton tabata krusandó kaya, un vehíkulo a alkans’é. 

E víktima a sufri heridanan na hep i pia, i tabata keha tambe di doló interno. 

A transport’é pa Sala di Emergensia di C.M.C. pa tratamentu médiko avansá. 

Departamento di Tráfiko a konfiská e vehíkulo pa investigashon.