Presentashon ofisial di partisipante nan na sertámen di Miss Teen Curaҫao International 2026–2027 i elekshon pa e promé titulo kual ta “Miss Press”.

January 21, 2026 REDAKSHON

Presentashon ofisial di partisipante nan na sertámen di Miss Teen Curaҫao International 2026–2027 i elekshon pa e promé titulo kual ta “Miss Press”.

Djadumingu 18 di yanüari 2025, Curaçao International Crowned Queens – CICQ organisation, a presenta su ocho (8) partisipantenan pa sertámen Miss Teen Curaҫao International 2026 – 2027.

Auditorium di WTC tabata ensenario di e show ‘Unfolding Dreams’ ku e tema: Kaminda proposito ta inisia, lider ta lanta!

Ku koreografia di Sorviensky Bonevacia nos ocho (8) partisipante nan kompañá pa e grupo di baile ‘Explotion dancers’ a hasi e apertura di e show.

Tur partispante a lusi un bunita outfit diseñá pa Juan Carlos Padrino di Padrino Couture kolo blanku saka ku detayenan den kolo blou/ros itambe e logo di Miss Teen Curaçao riba e faha.

A fungi komo maestronan di seremonia Ingelor Keller i Tito Doran. Sonido i lus tabata na enkargo di Massive Sound, e show ‘Unfolding Dreams’ ta un produkshon di e team di CICQ i Ta É productions.

Durante di atardi, promé ku inisio di e show ‘Unfoldings Dreams’ tur ocho (8) partisipante a hiba un kombersashon individual ku e kuerpo di hurado konsistiendo di: Naomy NJ Roosje, Tv & Radio Host na Tele Curaҫao Kanal 8 i 88 Rock Kòrsou, Ruthlisa van Veen, Periodista na korant Algemeen Dagblad, Dianitza Genaro, presentadó di notisia na Televishon Direct – Kanal 13, Licenciada Antonella Paladina Chappex, Gerente i presentado di e programa Euforia na Radio Dushi FM 88.9, Judith Ramautar, periodista i redakshon final na korant Amigoe. Komo teller i timer a fungi Jacky Meriën i Farella Celestijn. E kuerpo di hurado a ser presidí pa Emy Coelho.

Durante di e kombersason e kuerpo di hurado a husga: Konosementu general; Spontanidat/sinseridat; Ablidat komunikativo i abilidat ekspresivo.

Durante presentason riba stage a husga: Personalidat riba esenario, lenguahe korporal i beyesa.

Komo Miss Press a ser eligí Meaghan Vos; promé finalista: Tashyana Overkempe i di dos finalista Quivionna Martis.

Durante di e anochi tambe tur partisipante a skohe nan number ofisial di aparishon pa e temporada, siguiente elekshonnan i anochi final sertámen Miss Teen Curaҫao International 2026. E partisipantenan a skohe nan number di forma digital, dor di primi riba e “buzzer” i riba screen e ruleta a drai i para na e number pa e partisipante. Number di aparishon ofisial pa e partisipantenan ta:

Quivionna Martis
Mellany de Boer
Meaghan Vos
Charayneli Sint Jacoba
Soline de Jongh
Shekinah Cathalina
Bryonha Scope Isenia
Tashyana Overkempe.

Durante di e anochi tambe CICQ a presentá e korona nobo ku lo koroná nos Miss Teen Curaҫao International i lo keda husá pa e proksimo sertámen nan na aña 2026, 2027 i 2028.

E korona nobo di Miss Teen Curaçao International 2026: ALMA

E ta representá e forsa interior ku no ta bisto, pero bo por sinti profundamente. E tipo di poder ku ta bin for di sa ken bo ta, pa kiko bo ta para, i kiko bo ta defendé.

Alma no ta representá perfekshon, sino propósito.

Alma ta destiná pa un mucha muhé humilde ku alma bunita ku lo us’é pa liderá ku kurason, ku intenshon, i lo inspirá atraves di autenticidat.

Alma ta simbolisá logro, orguyo i kompromiso.

E korona aki ta alma di liderato, e balentia propio, e forsa pa lanta otro, i e responsabilidat pa krea kambio positivo.

Esun ku keda enkargá pa karga e korona Alma, lo no karga solamente un título, e ta karga su mishon, su balornan, i e poder pa inspirá e siguiente generashon.

Tambe durante di e anochi di ‘Unfolding Dreams’, Presidente di CICQ, Gionel Virginie, a gradisi tur mayor di e paritispantenan pa nan konfiansa depositá den CICQ i a anunsia ofisialmente ku entrante 2026 Miss Teen Curaҫao International lo representá Kòrsou na sertámen Miss Teen International na India.

Despues di e anochi di presentashon ofisial i Miss Press e ocho (8) partisipantenan lo kontinua ku nan preparashon intensivo ku un programa balansa ku CICQ a planifiká riba tereno edukativo ku charla riba diferente topiko, workshop di respektivamente Public Speaking; Liderasko i Proyekto. I tambe aktividatnan sosial.

Un bes mas riba esenario di Auditorium di WTC, CICQ lo presenta e siguiente show ku lo ta “Monarch of Beauty” ku lo tuma luga djasabra 7 di mart 2026 di 8or te ku 11or di anochi. Durante di Monarch of Beauty lo skohe: most beautiful face, Smile, Skin, Body, Legs & Hair. Karchi lo ta na rason di cg 65,00 i lo ta optenibel serka tur partisipante i tambe via CICQ.

Despues ta sigui ku Foro Hubenil (speech contest) djasabra 18 di aprel 2026 na Kontentu di 7or pa 9or di anochi. Foro Hubenil lo ta un life streaming.

Sertámen final di Miss Teen Curaҫao International 2026 – 2027 lo tuma luga

Djasabra 30 di mei 2026 den ballroom di Mariott Hotel di 8or pa 11or di anochi. Durante di e anochi lo skohe Miss Teen Curaçao International, prome i di dos finalista.

Karchi na rason di cg 85,00 lo ta obtenibel serka tur partisipante i tambe via CICQ.

CICQ ta invita pueblo di Kòrsou spesialmente nos hobenan pa apoya i sigui nos partisipantenan via di nos FaceBook pagina Curaçao International Crowned Queens i riba Instagam: TeenCuraçaoInt