Wind Creek Curaçao ta selebrá ‘Best of the Best’ pa di kuater kuartal di 2025
Wind Creek Curaçao ta selebrá
‘Best of the Best’ pa di kuater kuartal di 2025
WILLEMSTAD: Tabata djaweps dia 22 di yanüari último ku ‘Best of the Best’ a keda organisá den e ballroom di Renaissance Wind Creek Curaçao Resort. Durante dje evento Wind Creek Curaçao a honra su nominado- i ganadónan p’e di kuater kuartal. E evento tabata bon bishitá i tur nominado, nan lider- i miembronan di e tim ehekutivo tabata presente. E programa ‘Best of the Best’ ta un programa na unda tantu miembronan di tim komo lidernan ta wòrdu enkurashá pa nominá otro koleganan ku ta biba e balornan di Wind Creek Curaçao den sinku kategoria. E programa ‘Best of the Best’ ta kreá pa honra miembronan di ekipo ku ta biba e propósito di Wind Creek Hospitality! Wind Creek Curaçao su filosofia ta ku ora sostené i rekonosé tur miembro di ekipo bibando su balornan ta krea un kultura ku ta inspirá ekselensia.
Wind Creek Curaçao ta kere den e poder di rekonosementu, esaki ta pa duna bida n’e propósito ku ta inkluí un sentido di pertenensia i importansia entre miembro nan di tim. ‘Chief of Excitement’ Damaris Maduro-Bautisma a hasi apertura dje evento siguí pa direktor di Rekurso Humano, Angelo Martes ku a elaborá riba e tòp 3 nominadonan di kada kategoria i presentá e ganadónan. Tabata realmente impreshonante di mira kon e nominadonan a selebrá i alsa otro durante e selebrashon, dunando sosten i apoyo na e ganadornan loke ta inherente den e kultura di Wind Creek Curaçao. Awor ku a klousurá ku e ganadornan pa e di kuater kuartal 2025 ta preparando pa e Best of the Best pa 2025 ku lo ta 25 di febrüari próksimo kaminda tur e ganadornan di 2025 lo partisipá pa saka e empleado i lider di 2025.
E ganadónan p’e di kuater kuartal den kada kategoria ta:
‘Guest Focus’: Alexis Jake – Guest Experience; ‘Do it Right, Be the Best, Have Fun’: Angelo Anita -Banquets/ Food & Beverage; ‘Inspired and Empowered Team Members’: Joantley Diwan – Banquets/ Food & Beverage; ‘Enthusiastic Commitment to the Purpose’: Nayda Soleana-Gonzalez – Sales & Marketing i finalmente den kategoria ‘Leadership’: Deidre James – Guest Experience. Tur ganadó a sobresalí den nan kategoria, i tabata un kompetensia fuerte manera kustumber. Un pabien na tur nominado i tur e ganadónan! Bo kompromiso i dedikashon balioso ta un berdadero inspirashon, hasiendo Wind Creek Curaçao un organisashon kaminda ekselensia ta prosperá. Averilette Francis, General Manager a indiká di ta orguyoso di tin un tim asina inspirá i motivá, komprometé ku e propósito di e kompania i ku un enfoke kontinuo riba ekselensia pa tur huéspet ku ta bishita e kompanianan di Wind Creek Curaçao.
Un pabien na tur e ganadornan!
Riba e foto nos ta mira e ganadornan den kompania di e ehekutivonan di Wind Creek Curaçao
