Minister Roderick Middelhof: Diversifikashon di ekonomia di Kòrsou konosé varios trayekto, di kual sektor kreativo ta unu prometedor.

Diversifikashon di ekonomia di Kòrsou konosé varios trayekto, di kual sektor kreativo ta unu prometedor. Bishitando Nederlands Film Fonds mi a elaborá riba nos intenshonnan pa formalisá e mekanismo pa hasi Kòrsou mas atraktivo pa realisá produkshon di videoclip, serie i tambe pelikula. Ku e eksito di e produkshonnan lokal den eksterior i tambe interes internashonal pa realisá produkshonnan riba nos isla, nos tin ehempelnan palpabel ku e industria sinematografiko ta unu ku por kontribuí na kresementu ekonómiko. Banda di krea trabou di kalidat haltu e industria aki ta ofresé oportunidat pa nos rumannan kreativo por sostené nan karera aki na Kòrsou. Asina’ki nos ta sigui tuma pasonan pa Kòrsou bira e Perla den Karibe