KUERPO POLISIAL KORSOU

KOMUNIKADO DI PRENSA

045/2026

8 februari 2026

Kaso di tiramentu ku morto i un detenshon

Djasabra 7 di februari 2026 alrededor di 16.31’or, Sentral di Polis a dirigi varios unidat pa F.D. Rooseveltweg, pa un kaso di tiramentu.

Na yegada di polis, a topa ku un agente polisial na sivil ku a konta ku el a bini na e sitio serka un persona pa bende un telefon selular.

Na momento ku el a yega nae sitio, dos hoben a aserk’e i a ranka e telefon bai kune. E agente a saka su arma reglamentario i a los tiru riba nan.

El a detene un di nan sin embargo e otro a logra hui.

A hasi detenshon di e hoben E.B.S. di 18 aña di edat nase na Korsou, relashona ku e kaso ariba menshona.

Despues di un ratu sentral di polis a hana un yamada ku den Manhattanweg tin un persona drumi abou ku herida di bala i ku no ta duna senal di bida.

Polis a bai nae sitio i a konstata ku ta e persona ku un ratu prome a ranka e telefon for di agente polisial.

Personal di ambulans ku a yega a konstata ku e viktima aki no tabata duna senal di bida.

Dokter di polis ku tambe tabata presente, a konstata morto.

Riba ordu di fiskal di Ministerio Publiko a konfiska e kurpa. lnvestigashon ta kontinua.

A presenta e sospechoso dilanti di un fiskal ouksiliar ku a ordena ku enkarselamentu pendiente di mas investigashon.