Loke Kuerpo Polisial mester a atende kune djaweps 5 mart 2026

*Mahuma Bisiña atento den kaya Wimpiri a tuma nota di grupo di hòmber Asiatiko sakando basta kos for di un kas i buta pafo. Mirando ku ebisiña a haña esaki basta straño, ela disidí di yama polis. Na yegada di e patruya, ya e tipo nan a bai. Pero e kos nan si tabata tei pafo dje kas.

*Otrobanda: Ta haña un persona morto den su kas

*Politur ta bai San Pedro Supermarket den Punda pa asina entremediá entre e trahado di e Supermerkado i turista ku a bai kumpra kos. Aki tur kos ta indiká ku lo mester a kobra nan $200 dimas un poko mas promé, den un kompra ku nan a hasi na e sigio. Algu despues, e turista nan a bin bèk ku Politur i nan a haña nan $200 bek i a bandoná e sitio tòg satisfecho

*Kranshi Awe mainta, un hòmber ta yega kranshi ku rijbewijs falsu pa kambia. Wèl ora ela nota ku e trahadó atento a ripara ku ta trata aki di un indetifikashon ku no ta original, e hòmber a sali na kareda kore bai, lagando tur kos atras. Polis mes ora a bai i a tuma su kos nan. Awor investigashon ta sigi den e kaso aki.

*Na Kooyman Zeelandia, hòmber ta dal den porta, kai i kap su kabes. Mesora a yud’é i a pidi ambulans pa yega i duna asistensia. Ta trata aki di un hòmber di edat avensá.

*Nijlweg Awe mainta, Polis a monta un kontròl dirigí riba ekseso di velosidat. Mirando e kantidat grandi di aksidente nan diario, nos ta kere ku esaki ta un super bon inisiativa. Pues outomobilista nan, tene boso mes na e speed indiká pa e kaminda ku bo ta move riba dje pa evita un but.

*Kaya Nathan Ladron a bula drenta den kura di kas na i a kue bateria di un Truk Dyna bai kuné. Mesora a notifiká Polis di Montaña kual a tuma keho i alabes lo sigui ku investigashon.

*Polis di Montaña ta bin topa pickup bandoná den mondi na kaminda pa bai kura di buriku den area di Fuik.
E pickup no ta den kondishon, pero tòg a hasi e investigashon ne sitio.