Presentashon di Vishon pa Sentro di Suidat 2026-2035

Willemstad – Ministerio di Tráfiko, Transporte i Planifikashon Urbano (VVRP) huntu ku Ministerio di Desaroyo Ekonómiko (MEO) a presentá riba djaluna 16 di mart e Vishon pa Sentro di Suidat 2026-2035. Esaki, ku a wòrdú aprobá resientemente pa Gobièrnu di Kòrsou, ta forma e base stratégiko pa e desaroyo di Willemstad den e añanan benidero.

E presentashon a tuma lugá na Teatro Norman the Palm na Otrobanda (anteriormente Luna Blou) i a trese diferente ‘stakeholder’, inkluso representantenan di sektor públiko i privá, empresario i otro partidonan envolví ku e sentro di suidat huntu.

E ‘Visiekader Binnenstad 2026-2035’ ta duna un bista di e ambishon i direkshon di maneho pa un sentro di suidat sostenibel, fuerte ekonómikamente i atraktivo. Durante e reunion, a duna mas detaye riba e puntonan prinsipal, oportunidat i desaroyonan planifiká ku ta kontribuí na un siudat prepará pa futuro.

E ministerionan ta wak bèk riba un reunion eksitoso i ta mira pa dilanti riba mas kolaborashon ku tur partido envolví pa un sentro di suidat bibu i klá pa futuro.