Prome Minister Gilmar Pik Pisas 𝐆𝐨𝐛𝐢è𝐫𝐧𝐮 𝐡𝐮𝐧𝐭𝐮 𝐤𝐮 𝐬𝐭𝐚𝐤𝐞𝐡𝐨𝐥𝐝𝐞𝐫𝐬 𝐤𝐨𝐧𝐬𝐞𝐫𝐧í 𝐭𝐚 𝐢𝐧𝐟𝐨𝐫𝐦á 𝐩𝐮𝐞𝐛𝐥𝐨 𝐫𝐢𝐛𝐚 𝐞 𝐢𝐦𝐩𝐚𝐤𝐭𝐨 𝐝𝐢 𝐤𝐫í𝐬𝐢𝐬 𝐞𝐧𝐞𝐫𝐠é𝐭𝐢𝐤𝐨 𝐢𝐧𝐭𝐞𝐫𝐧𝐚𝐬𝐡𝐨𝐧𝐚𝐥

Prome Minister Gilmar Pik Pisas

𝐆𝐨𝐛𝐢è𝐫𝐧𝐮 𝐡𝐮𝐧𝐭𝐮 𝐤𝐮 𝐬𝐭𝐚𝐤𝐞𝐡𝐨𝐥𝐝𝐞𝐫𝐬 𝐤𝐨𝐧𝐬𝐞𝐫𝐧í 𝐭𝐚 𝐢𝐧𝐟𝐨𝐫𝐦á 𝐩𝐮𝐞𝐛𝐥𝐨 𝐫𝐢𝐛𝐚 𝐞 𝐢𝐦𝐩𝐚𝐤𝐭𝐨 𝐝𝐢 𝐤𝐫í𝐬𝐢𝐬 𝐞𝐧𝐞𝐫𝐠é𝐭𝐢𝐤𝐨 𝐢𝐧𝐭𝐞𝐫𝐧𝐚𝐬𝐡𝐨𝐧𝐚𝐥
Willemstad 20 di mart 2026, Durante e konferensia di prensa, Promé Minister Gilmar Pisas huntu ku Minister Cooper, Minister Middelhof i stakeholders konserní a informá pueblo di Kòrsou tokante e desaroyonan resiente den merkado energétiko internashonal i e posibel efektonan pa nos pais. Gobièrnu a indiká ku, apesar di e insertidumbre mundial i subida di preis den diferente parti di mundu, e impakto direkto riba preis di energia na Kòrsou ta keda manehabel, danki na invershonnan stratégiko den energia renovabel hasí durante e último añanan.
Na mes momento, Gobièrnu ta rekonosé ku e preshon internashonal por afektá kosto di bida di famianan na Kòrsou. P’esei, un punto sentral den e enfoke di Gobièrnu ta e protekshon di gruponan sosialmente vulnerabel, pa nan por haña e sosten nesesario pa kubri gastunan èkstra relashoná ku subida di preis. Ademas, Gobièrnu lo tuma akshonnan pa evitá ku oumentonan eksterno wòrdu pasá di forma innesesario òf desproporshonal na e konsumidó lokal, ku kòntròlnan mas estrikto riba produktonan básiko.
Gobièrnu ta sigui vigilá e situashon di serka, ku atenshon partikular pa protehá e poder di kompra di esnan mas vulnerabel i mantené stabilidat ekonómiko den nos pais.