Último chèns: entrega bo arma promé ku djabièrnè i evitá persekushon penal / Laatste kans: lever uw wapen in vóór vrijdag en voorkom strafrechtelijke vervolging
Komunikado
9 di aprel 2026
Último chèns: entrega bo arma promé ku djabièrnè i evitá persekushon penal
E kampaña konhunto di Ministerio Públiko i Kuerpo Polisial di Kòrsou, bou di e lema “Entrega bo arma i skapa un alma,” ta yegando su fin. E kampaña ta kore te ku djabièrnè próksimo, 10 di aprel. Te na e momentu aki, siudadanonan por hasi uso di e areglo. Sinembargo, esaki ta e último chèns pa entrega un arma di kandela sin konsekuensia penal.
Despues di 10 di aprel, lo apliká un maneho estrikto: kualke arma di kandela ilegal ku hañá lo kondusí na persekushon penal inmediato. Ademas, den kasonan asina, Ministerio Públiko lo eksigí un oumento di kastigu signifikante durante tratamentunan den korte.
E kampaña, ku a kuminsá djaluna 16 di mart, tin komo meta pa redusí violensia ku arma i promové barionan seif i liber di arma. Resultadonan inisial ta mustra ku e mensahe ta yegando na komunidat: te ku awor, a entregá 31 arma di kandela boluntariamente.
E entrega ta tuma lugá na Ministerio Públiko (De Tempel), di djaluna pa djabièrnè entre 08:00 i 15:00. Personanan ku ta entregá un arma ta risibí un rekompensa monetario komo un insentivo—dependiendo di e tipo i kondishon di e arma—ku ta varia entre XCG 300 i XCG 750. Ta enfatisá ku esaki no ta konstituí un kompra, sino mas bien un enkurashamentu pa kontribuí na un sosiedat mas sigur.
Ministerio Públiko i Kuerpo Polisial Kòrsou ta ekspresá nan apresio na tur hende ku a hasi uso di e areglo aki kaba. Ta pidi siudadanonan pa presentá arma di kandela korektamente i seif paketá pa nan no por wòrdu usá mesora. Tambe tin un yamada pa entrega munishon ilegal. Outoridatnan ta hasi un apelashon urgente na tur hende ku ainda ta den poseshon di un arma di kandela ilegal: hasi uso di e último oportunidat aki. Dor di entregá un arma, bo ta evitá konsekuensianan penal i posiblemente por salba un bida humano.
Laatste kans: lever uw wapen in vóór vrijdag en voorkom strafrechtelijke vervolging
De gezamenlijke actie van het Openbaar Ministerie en het Korps Politie Curaçao, onder de slogan “Lever je wapen in en red een ziel”, nadert haar einde. De actie loopt nog tot en met aanstaande vrijdag 10 april. Burgers kunnen op dit moment nog steeds gebruikmaken van deze regeling. Dit is echter de laatste kans om een vuurwapen zonder strafrechtelijke consequenties in te leveren.
Na 10 april geldt een strikt handhavingsbeleid: elk aangetroffen illegaal vuurwapen leidt direct tot strafrechtelijke vervolging. In dergelijke gevallen zal het Openbaar Ministerie bovendien een fors verhoogde strafeis hanteren tijdens zittingen.
De actie, die op maandag 16 maart van start is gegaan, heeft als doel het terugdringen van wapengeweld en het bevorderen van veilige, wapenvrije wijken. De eerste resultaten tonen aan dat de boodschap de gemeenschap bereikt: tot nu toe zijn er 31 vuurwapens vrijwillig ingeleverd.
De inlevering vindt plaats bij het Openbaar Ministerie (De Tempel), van maandag tot en met vrijdag tussen 08:00 en 15:00 uur. Personen die een wapen inleveren ontvangen – afhankelijk van het type en de staat van het wapen – een geldbedrag als stimulans, variërend tussen XCG 300,- en XCG 750,-. Hierbij wordt benadrukt dat het geen aankoop betreft, maar een aanmoediging om bij te dragen aan een veiligere samenleving.
Het Openbaar Ministerie en het Korps Politie Curaçao spreken hun waardering uit voor iedereen die reeds gebruik heeft gemaakt van deze regeling. Burgers wordt verzocht vuurwapens goed en veilig verpakt aan te bieden, zodat deze niet direct gebruikt kunnen worden. Ook wordt opgeroepen om illegale munitie in te leveren.
De autoriteiten doen een dringende oproep aan iedereen die nog in het bezit is van een illegaal vuurwapen: maak gebruik van deze laatste mogelijkheid. Door een wapen in te leveren voorkomt men strafrechtelijke gevolgen en kan mogelijk een mensenleven worden gered.
