KIKO TA PASANDO

E uniko kaminda ku bo ta haña tur informashon kompletamente gratis. Klik anto lesa. Manda tur loke bo ke pa wordu publika i invitashon pa kubri rueda di prensa na e Email: kikotapasando@outlook.com

NOTISIA POLISIAL

Vigilansia polisial na final di marcha di seú di Banda Bou 

KUERPO POLISIAL KÒRSOU 

KOMUNIKADO DI PRENSA

121/2026

11 aprel 2026 

Vigilansia polisial na final di marcha di seú di Banda Bou 

Kuerpo Polisial ta hasi un yamada riba spesialmente shofùrnan di vehíkulonan ku lo asistí na  marcha di seú di Banda bou djadumingu dia 12 di aprel próksimo, pa un komportashon  debido riba kaminda di Banda Bou. 

Eksperensia ta mustra ku na final di e aktividat, práktikamente tur hende ke yega p’ariba  mas lihé posibel.  

Ku e konsekuensia ku tin pasamentu di filanan di manera iresponsabel, sin ku ta tene  kuenta ku tráfiko di direkshon kontrali. 

E kamindanan ku ta kondusí pa Banda Bou tin diferente bògt i seru, ku ta hasi pasamentu di  vehíkulo sumamente peligroso. 

Tene kuenta tambe ku tin vehíkulonan pisá i largu manera trailer ku tambe ta bini ariba na  mes momentu i ku ta move ku un velosidat moderá. 

Ademas polis ta hasi un apelashon riba esnan ku ta konsumí alkohòl, pa no manehá vehíkulo, pero skohe un persona ku ta keda sobrio, pa stür pa bo. 

Redusí bo velosidat, no hasi uso di telefòn mientras ku bo ta stür i sòru pa bo tin bo faha di  seguridat bistí. 

Un apelashon na shofùrnan di motosaikel i skuter, pa bisti bo hèlmu komo protekshon den  kaso ku bo keda enbolbí den un aksidente. 

Polis lo ta visibel di forma preventivo a lo largu di e ruta i ta wòrdu asesorá tantu pa  kámaranan di vigilansia komo drone. 

Laga nos tur komportá manera mester ta i evitá asina ku lo tin kasonan di lamentá.

 

639114718427035"
639114718427035"