Djabièrnè 10 di aprel 2026, den un ambiente digno dilanti di Fort Amsterdam, a tumá lugá e desvelo di un obra di arte na honor di eks-Gobernador, sra. Lucille George-Wout.

Durante e momentu speshal aki, Promé Minister Gilmar Pisas a rindi un homenahe profundo na e legado di sra. George-Wout, ku ta resaltá su liderazgo enbolbí, su kurashi i e manera kaluroso ku el a sirbi nos pais durante 12 aña.

E obra di arte, kreá dor di nos artista lokal Giovanni Abath, ta simbolisá gratitut i apresio di Gobièrnu di Kòrsou pa su kontribushon eksepshonal na fortalesementu di nos demokrasia i nos identidat nashonal.

Gobièrnu di Kòrsou ta deseá sra. George-Wout un futuro yen di pas, felisidat i momentunan balioso ku su sernan kerí.