Prome Minister Mike Eman presente na simposio academico na Universidad di Aruba
Prome Minister Mike Eman
Prome Minister Mike Eman presente na simposio academico na Universidad di Aruba
Prome Minister Mike Eman a asisti awe na e simposio anual di colaboracion academico entre Universidad di Aruba (UA) y Utrecht University (UU), unda studiantenan a presenta nan investigacion preliminar riba diferente tema relevante pa Aruba.
E simposio a forma parti di e iniciativa UAUCUU, unda cada aña studiantenan di ambos institucion ta realisa investigacion empirico (investigacion basa riba evidencia) den y riba Aruba, cu enfoke riba solucionnan sostenibel y aporte directo na comunidad.
Durante e programa, studiantenan di UA su programa Sustainable Island Solutions through STEM (SISSTEM) y di UU a comparti nan descubrimento inicial durante presentacionnan cortico estilo PechaKucha y poster sesions.
Temanan presenta a inclui, entre otro, re-vegetacion como solucion basa riba naturalesa, urban greening pa conecta ecosistema y fortalece resiliencia climatico, y acuacultura como posibel solucion sostenibel pa Aruba.
Den su presencia, Prome Minister Mike Eman a resalta importancia di investigacion academico como base pa desaroyo di solucionnan practico y sostenibel, destacando e balor di colaboracion entre institucionnan educativo y comunidad.
Eman a subraya cu iniciativa manera esaki ta contribui na forma conocemento relevante pa Aruba y ta fortalece conexion entre investigacion, innovacion y desaroyo di pais.
E simposio a reuni miembro di comunidad academico, studiantenan y otro interesadonan, y a brinda un plataforma pa comparti conocemento y stimula dialogo riba tema di sostenibilidad y futuro di Aruba.
639114718427035"
639114718427035"










