𝐆𝐨𝐛𝐢𝐞̀𝐫𝐧𝐨 𝐝𝐢 𝐊𝐨̀𝐫𝐬𝐨𝐮 𝐭𝐚 𝐩𝐨𝐧𝐞 𝐮𝐧 𝐦𝐚𝐫𝐤𝐚 𝐟𝐮𝐞𝐫𝐭𝐞 𝐝𝐞𝐧 𝐈𝐌𝐅 𝐫𝐢𝐛𝐚 𝐧𝐢𝐯𝐞𝐥 𝐝𝐢 𝐥𝐢𝐝𝐞𝐫𝐚𝐭𝐨 𝐦𝐮𝐧𝐝𝐢𝐚𝐥

Den e bishita na Washington DC, Promé Minister Gilmar Pisas huntu ku Minister di Finansa, Sr. Charles Cooper, a tene un reunion di nivel ku Sr. Nigel Chalk, Director di Western Hemisphere Department di IMF.

E reunion aki tabata di gran importansia strategiko, kaminda Kòrsou ta bolbe posishoná su mes klaramente riba nivel di liderato den IMF. E dialogo a enfoká riba situashon ekonomiko di Kòrsou, e kresementu fuerte despues di COVID, pero tambe e vulnerabilidatnan ku un isla chikí ta enfrentá, manera dependensia riba turismo i influensia di shocknan eksterno manera e guera kontra Merka i Iran.

Durante e reunion, Kòrsou a pone énfasis riba e agenda di reformanan.

Pa Kòrsou, e reunion aki ta trese benefisionan konkretu:

• Reforsá e relashon ku e liderato di IMF pa logra mas apoyo strategiko

• Krea mas oportunidat pa asistensia tékniko i ekspertise di haltu nivel

• Posishoná Kòrsou komo un partner serio i konfiabel den e region

E presensia di Promé Minister Gilmar Pisas huntu ku Minister Cooper a manda un señal fuerte: Kòrsou ta uní, ta serio, i ta kla pa traha huntu ku partnernan internashonal pa logra un futuro ekonomiko mas resiliente i sostenibel pa nos hende nan!

Na final di e runion na nòmber di Gobièrnu di Kòrsou Minister President Gilmar Pisas huntu ku Minister di Finansa sr Charles Cooper a entregá un kuadro ku ta representa handelschade di Kòrsou den un manera artistiko.