TUR PAIS TA PREPARANDO PA EFECTO DI GUERA, MENOS NA ARUBA

Parlamentario Evelyn Wever-Croes

 

Evelyn Wever-Croes: Too Little, Too Late

TUR PAIS TA PREPARANDO PA EFECTO DI GUERA, MENOS NA ARUBA

 

ORANJESTAD — Lider di Fraccion di MEP Evelyn Wever-Croes a duna su reaccion riba e reunion cu a tuma luga cu Minister Geoffrey Wever, riba e efectonan di guera pa cu Aruba. 

E guera den medio oriente, combina cu desaroyonan geopolitico den nos region, ta motibo di preocupacion pa hopi lider politico rond mundo. Aki na Aruba e gobierno ta di opinion cu no tin motibo pa ta preocupa. E minister a declara cu e cantidad di turistanan cu ta bishita Aruba ta sigui crece, cada biaha ta bin mas turista, y p’esey lo no mester tuma ningun medida awor.

 

“Mi ta preocupa cu e actitud aki. Den tempo di crisis bo mester ta prepara. Miho prepara bo ta, mas lihe bo ta recupera. Specialmente pa un economia chikito y habri manera Aruba, bo no por core e riesgonan aki” segun lider di Fraccion Evelyn Wever-Croes.

 

Gobierno no tin un plan cla, no tin scenarionan cla, y no tin ningun intencion pa proteha e poder di compra di nos hende, solamente e accijns cu nan a absorba siman pasa. “Too little, Too late”.

 

EFECTONAN PREMIRA

Paisnan rond di nos ta prepara pa impacto directo: prijsnan cu ta subi, importacion cu ta bira mas caro y menos poder di compra pa nos pueblo. P’esey como fraccion, nos ta pidi accion cla:

• ⁠  ⁠un plan urgente pa proteha poder di cumpra di esnan mas vulnerable den nos comunidad
• ⁠  ⁠medida pa controla prijsnan den canasta basico, y amplia esaki, entre otro cu productonan di baby

Si nos warda mas pa actua, lo ta hopi laat. Y e sla lo wordo sinti door di nos ciudadanonan den nan bida diario.Y esey, nos no por acepta.

 

TOO LITTLE, TOO LATE

E minister no a trece ningun plan concreto, y solamente a referi na cosnan cu nan a haci caba, manera e accijns cu nan a absorba, y aumento di pension. Too little, Too late. Esaki no ta suficiente, y ta hopi laat, pasobra costo di bida ta sigui aumenta drasticamente. Den tempo di crisis, preparacion mester tuma luga prome. Ora e impacto yega, e tempo pa pensa a pasa caba. Y e silencio di e gobierno ta preocupante. Silencio no ta un strategia. Silencio ta crea incertidumbre, y incertidumbre ta debilita confiansa y ta un golpi grandi pa nos economia.