Eksitóso Foro Hubenil di Miss Teen Curaçao International 2026.

Eksitóso Foro Hubenil di Miss Teen Curaçao International 2026.

 

Willemstad – Djasabra último, Curaçao International Crowned Queens (CICQ) a organisá e di tres edishon di su Foro Hubenil na Konentu Studios, tresiendo huntu e shete damanan hóben ku ta kompetí pa e título di Miss Teen Curaçao International 2026. Meta di e foro hubenil ta pa proveé ​​un plataforma pa e hóbennan yòn aki vosiferá nan opinion riba polémikanan real ku ta afektá nos komunidat pa asina enkurashá diálogo, i inspirá kambionan positivo.

 

CICQ ta kere firmemente ku un reina di beyesa no ta wòrdu definí solamente pa beyesa eksterno so. Netamente esaki ta motibu dikon CICQ ta enfoká i eduká hóbennan pa desaroyá e kualidatnan relevante pa ta un modelo ehemplar, un lider, i mas importante, un hóben dama ku vishon pa aportá na su generashon.

 

Despues di a skucha i presensiá shete diferente foro interesante i relevante, huradonan konsistí di profeshonalnan den areanan komunikativo, sosial i edukashonal a skohe Quivionna Martis ku e foro ‘Nukleo familiar’ komo Segundo finalista, Soline de Jongh ku e foro ‘Salú Mental’ komo promé finalista i komo ganadó apsoluto, Bryonha Scope Isenia ku e foro ‘Eating Disorder Among Youth’.

 

Curaçao International Crowned Queens ta felisitá kada kantidata pa nan balentia, disiplina, determinashon i motivashon. Paso e esensia di beyesa ta keda reflehá na momentu ku nos realisá ku nos bos tin poder. Keda pendiente pa presensiá e final di Miss Teen Curaçao International 2026 dia 30 di mei próksimo den Curaçao Marriott Beach Resort. Karchinan ta optenibel serka kada kantidata i via retnan sosial di CICQ.

 

Miss Teen Curaçao International: Muchu mas ku simplemente ta bunita.

 

 

Yours Sincerely,

 

Gionel Virginie

Director CICQ