Recientemente, den cuadro di e EU-OCT Forum na Aruba, Minister Wyatt-Ras a ricibi bishita di señor Giuseppe Mancinelli, Country Office Director y Caribbean Coordinator di UNOPS Barbados.

Durante e encuentro, a intercambia punto di bista riba posibel cooperacion entre UNOPS y Aruba, enfoca riba infrastructura, resistencia climatico, WASH y fortalecemento institucional, tur cu impacto riba salubridad, cuido y bienestar social.

Nos ministerio ta aprecia e dialogo constructivo, cual ta contribui na e meta di sigui fortifica colaboracion internacional pa mehora calidad di bida di nos comunidad.