Entrada hudisial ku detenshon relashoná ku kaso di tiramentu 

KUERPO POLISIAL KÒRSOU 

KOMUNIKADO DI PRENSA

142/2026

24 aprel 2026 

Entrada hudisial ku detenshon relashoná ku kaso di tiramentu 

Kontinuando ku investigashon den e kaso di tiramentu ku a tuma lugá dia 16 di aprel 2026 na un kas den Kaya Hubert D. Fernandez, polis a hasi un detenshon. Djabièrnè 24 di aprel 2026, alrededor di 04.31’or, Tim di Aresto konhuntamente ku  Tim di Atrako a detené e hòmber L.L.S.J.B. di 30 aña di edat nasé na Kòrsou,  relashoná ku e kaso ariba menshoná. 

Despues a tene un entrada hudisial na su kas den Kent U Zelf. 

A presentá e sospechoso dilanti di un fiskal ouksiliar ku a ordená su enkarselamentu  pendiente di mas investigashon.