Ministerio di OWCS (ESKD) ta organisá konferensia “Enseñansa & Merkado Laboral den Diálogo” / Ministerie van OWCS organiseert werkconferentie “Onderwijs & Arbeidsmarkt in Dialoog”

Willemstad-Riba djárason 13 di mei 2026, Ministerio di Enseñansa, Siensia, Kultura i Deporte (OWCS) ta organisá e konferensia di trabou “Enseñansa & Merkado Laboral den Diálogo” na Hotel Courtyard Marriott.

Ku e konferensia aki, minister di OWCS ta duna ehekushon na un di e puntonan prinsipal di enfoke stipulá den e programa Mehorashon di Enseñansa 2025–2028, kaminda ku e nesesidat di konekshon entre enseñansa i merkado laboral a wòrdu identifiká komo un prioridat importante. E konferensia aki ta un paso konkreto den realisashon di e meta di maneho aki dor di trese enseñansa, gobièrnu, studiante i e sektor privá i laboral huntu den un diálogo konstruktivo.

Pasikiko e konferensia aki?

For di investigashon preliminar a sali na kla ku ainda tin falta di sufisiente konosementu i komprondementu entre e diferente sektornan i gremionan na Kòrsou tokante e ekspektativanan, nesesidatnan i punto di salida di otro pa loke ta trata enseñansa i formashon. Den práktika, esaki ta kondusí innesesariamente na interpretashonnan inkorekto i un desaliñamentu entre loke enseñansa ta ofresé i loke merkado laboral ta pidi i deseá. Minister di OWCS den su maneho ta rekonosé eksistensia di e tenshon aki i ta determiná pa atendé i redusí esaki di un manera struktural i duradero.

P’esei, Ministerio di OWCS ya pa algun tempu a inisiá un trayekto riba nivel di SBO dirigí riba aktualisashon di kompetensianan kardinal basá riba e términonan final di SBO. E trayekto aki a mustra klaramente ku un kolaborashon estrecho ku e merkado laboral ta un kondishon krítiko pa yega na un mihó konekshon i komprondementu di otro su espektativa i nesesidatnan.

Ku e eskoho di un konferensia di trabou ku un base amplio, minister di OWCS ta deseá pa redusí e klof aki dor di pone tur partidonan enbolbí na mesa pa dialogá ku otro, fortalesé komprondementu mutuo i traha na un vishon komun riba enseñansa (profeshonal) i un aliñamentu mas struktural entre enseñansa i merkado laboral. Den e determinashon aki, e bos di studiantenan tambe ta forma un parti esensial di e konferensia: nan eksperensianan, ekspektativanan i perspektivanan lo ta sentral den e diálogo i lo sirbi komo input importante pa e formulashon di e maneho i práktika pa futuro.

Representashon amplio di stakeholders

E konferensia di trabou ta konta ku partisipashon di  un grupo amplio di stakeholders, inkluyendo representantenan di: instansianan gubernamental, organisashonnan di ehekutivo; instansianan di enseñansa; sektor privá i komersial; representashon di gremio industrial/komersial i sindikatonan; studiante di instansianan SBO i HBO; i otro partnernan ku ta sosial relevante.

Dor di pone e partidonan aki aktivamente den diálogo ku otro, e minister ta premirá ku por yega na un komprondementu kompartí di e desafionan i oportunidatnan, ku e meta final pa por komuniká ku otro usando e mesun lenguahe i bista komún. 

Resultadonan deseá

E konferensia di trabou ta dirigí riba realisashon di e siguiente resultadonan:

• fortalesé e konekshon entre enseñansa i merkado laboral;
• inisiá un diálogo duradero entre enseñansa, studiante i partinan di merkado laboral;
• oumentá komprondementu mutuo i bista den ekspektativanan i nesesidatnan;
• formulá akshonnan konkreto pa un mihó kolaborashon;
• promové un enfoke struktural i intersektoral riba kuestionnan di merkado laboral;
• stimulá braingain dor di un mihó konekshon entre e enseñansa i labor i desaroyo di talento.

Un momento spesial durante e konferensia lo ta e pènel ministerial parti atardi, den kual e ministernan di OWCS, SOAW, MEO i BPD lo dialogá konhuntamente saliendo for di e konteksto di nan propio ministerio i perspektiva riba nan maneho, desafionan i oportunidatnan rondó di enseñansa i merkado laboral. Aki, kada minister lo reflehá for di su propio responsabilidat polítiko i su ròl den fortalesé di manera duradero e konekshon entre enseñansa i merkado laboral.

Ku e konferensia di trabou aki, minister di OWCS no solamente ta suprayá e importansia di kolaborashon, diálogo i responsabilidat kompartí, sino e ta konfirmá tambe konkretamente su kompromiso gubernamental pa fortalesé e konekshon entre enseñansa i merkado laboral i di e forma aki promové braingain

 

---

 

Willemstad-Op woensdag 13 mei 2026 organiseert het Ministerie van Onderwijs, Wetenschap, Cultuur en Sport (OWCS) de werkconferentie “Onderwijs & Arbeidsmarkt in Dialoog” in het Courtyard Marriott Hotel.

Met deze werkconferentie geeft de minister van OWCS uitvoering aan een van de speerpunten zoals opgenomen in het programma Mehorashon di Enseñansa 2025–2028, waarin het versterken van de aansluiting tussen onderwijs en arbeidsmarkt als belangrijke prioriteit is benoemd. De conferentie vormt een concrete stap in het realiseren van deze beleidsdoelstelling en brengt onderwijs, overheid, studenten en het werkveld samen in een constructieve dialoog.

Waarom deze werkconferentie?

Uit vooronderzoek is gebleken dat er binnen verschillende sectoren nog onvoldoende inzicht bestaat in elkaars verwachtingen, behoeften en uitgangspunten. Dit leidt in de praktijk tot onnodige ruis en een mismatch tussen wat het onderwijs aanbiedt en wat de arbeidsmarkt vraagt. De minister onderkent dit spanningsveld en is vastberaden dit op structurele en duurzame wijze aan te pakken en terug te dringen.

Vandaar dat vanuit het Ministerie van OWCS reeds enige tijd een traject op SBO-niveau in gang is gezet gericht op het actualiseren van kerncompetenties op basis van de SBO-eindtermen. Dit traject heeft duidelijk gemaakt dat een hechte samenwerking met de arbeidsmarkt een kritische randvoorwaarde is om tot een betere aansluiting te komen.

Met de brede  opzet van deze werkconferentie wenst de minister van OWCS deze kloof verkleinen door partijen met elkaar in gesprek te brengen, wederzijds begrip te versterken en te werken aan gezamenlijke visie op het (beroeps)onderwijs en een meer structurele afstemming tussen onderwijs en arbeidsmarkt. Daarbij vormt ook de stem van studenten een essentieel onderdeel van de conferentie: hun ervaringen, verwachtingen en perspectieven staan centraal in de dialoog en dienen als belangrijke input voor de verdere beleidsvorming en praktijk.

Brede vertegenwoordiging van stakeholders

De werkconferentie brengt een brede groep stakeholders bijeen, waaronder vertegenwoordigers van: overheidsinstanties en uitvoeringsorganisaties; onderwijsinstellingen; de particuliere sector en werkgevers; brancheorganisaties en vakbonden; studenten van SBO- en HBO-instellingen; relevante maatschappelijke partners.

Door deze partijen actief met elkaar in gesprek te brengen, beoogt de minister te komen tot een gedeeld begrip van de uitdagingen en kansen, met als doel te komen tot een gezamenlijke taal en visie.

Beoogde resultaten

De werkconferentie is gericht op het realiseren van de volgende resultaten:

• het versterken van de aansluiting tussen onderwijs en arbeidsmarkt;
• het initiëren van een duurzame dialoog tussen onderwijs, studenten en arbeidsmarktpartijen;
• het vergroten van wederzijds begrip en inzicht in verwachtingen en behoeften;
• het formuleren van concrete acties voor betere samenwerking;
• het bevorderen van een structurele en intersectorale aanpak van arbeidsmarktvraagstukken;
• het stimuleren van braingain door betere aansluiting en talentontwikkeling.

Een bijzonder moment tijdens de conferentie is het ministerieel panel in de namiddag, waarin de ministers van OWCS, SOAW, MEO en BPD vanuit verschillende beleidsdomeinen gezamenlijk reflecteren op de uitdagingen en kansen rondom onderwijs en arbeidsmarkt. Hierbij zal iedere minister vanuit de eigen beleidsverantwoordelijkheid en invalshoek reflecteren op zijn of haar rol in het duurzaam versterken van de aansluiting tussen onderwijs en arbeidsmarkt.

Met deze werkconferentie onderstreept de minister van OWCS niet alleen het belang van samenwerking, dialoog en gezamenlijke verantwoordelijkheid, maar geeft hij tevens concreet invulling aan zijn bestuurlijke commitment om de aansluiting tussen onderwijs en arbeidsmarkt te versterken en brain gain te bevorderen.