CURA DOET 2026 mester di bo: Falta algun dia, Ban regalá Kòrsou e sonrisa ku e meresé! Henter komunidat ta invitá pa partisipá riba 15 i 16 di mei!
CURA DOET 2026 mester di bo: Falta algun dia, Ban regalá Kòrsou e sonrisa ku e meresé! Henter komunidat ta invitá pa partisipá riba 15 i 16 di mei!
Grupo di Boluntario enkurashá pa inskribí via http://www.curadoet.com
WILLEMSTAD — Riba 15 i 16 di mei 2026, Kòrsou lo bira e sentro di boluntariado un biaha mas. Ku e di 13 edishon di CURA DOET nos lo selebrá, ku huntu durante 13 aña, nos a krea un impakto positivo den NOS komunidat kompartiendo dedikashon, energia, amor i konosementu. Durante e fin di otro siman, 255 organisashon sosial, ku 289 proyekto lo haña bida danki na tur e miles di boluntario ku ta duna un man.
Aña tras aña, CURA DOET a mustra kiko tur nos por logra si nos uni forsa. Durante 13 aña, miles di boluntarionan a kontribuí na mehorá nos isla. Di skol te kas di kuido, di sentronan di bario te unionan di deportivo. E aña aki, nos kier sigui e mesun energia, pero ainda tin un reto kla: ahinda ta buska boluntario pa yuda organisashonanan sosial kompletá nan proyekto.
Partisipá ta fasil. Via http://www.curadoet.com, tur hende por mira e proyektonan disponibel i skohe unda nan ke duna un man. Bo por partisipá bo mes, ku amigu, famia òf komo grupo di trabou.
E proyektonan ta varia: di limpia i pinta skolnan, mehorá bario, te duna atenshon na nos grandinan. Pa hopi organisashon, e dos dianan aki ta esensial pa logra kosnan ku otro manera lo dura hopi tempu pa kumpli.
CURA DOET no ta solamente trabou, e ta nifika konekshon, alegria i un eksperiensia spehal ku bo ta kompartí ku otro. E ta e momento pa hasi algu pa bo komunidat i pasa un momento ameno huntu.
Un último yamada na komunidat kompletu pa un biaha mas uni forsa pa nos por logra duna organisashonnan sosial e yudansa ku asina tantu nan mester di dje.
Por tuma kontakto na curadoet@curacaocares.org òf na 788-1954 pa mas informashon òf yudansa pa inskribí. Skohe bo proyekto faborito i inskribí bo mes òf bo grupo awor komo boluntario riba http://www.curadoet.com
CURA DOET 2026 roept op: nog maar enkele dagen, Voor dertiende keer op een rij, maken we samen Curaçao blij! De hele gemeenschap is van harte uitgenodigd om deel te nemen op 15 en 16 mei! Vrijwilligersgroepen worden aangemoedigd zich aan te melden via http://www.curadoet.com.
