Prestashon di turismo na aprel ta marka un final fuerte di e temporada haltu di wenter – April performance marks strong finish to Winter High Season
Prestashon di turismo na aprel ta marka un final fuerte di e temporada haltu di wenter
WILLEMSTAD – 13 di mei 2026 – Ofisina di Turismo di Kòrsou (CTB) ta raportá ku sifranan di turismo di estadia na luna di aprel ta sigui mustra un prestashon positivo, reflehando kresementu kontinuo for di e merkadonan prinsipal. Durante aprel, un total di 75.332 turista di estadia a keda risibí, representando un kresementu di 10% kompará ku aprel aña pasá.
E datonan di e profil di bishitante ta indiká ku mayoria turista di estadia a bini pa vakashon (90%), miéntras un kantidat mas chikí a bini pa bishitá famia i konosínan (3%) i pa propósitonan di negoshi (3%). Turistanan a keda Kòrsou un averahe di 7.9 anochi, reflehando tempu signifikante pasá riba Kòrsou. E estadianan largu aki ta sigui sostené partisipashon amplio den ekonomia lokal, ku benefisio pa akomodashonnan, restorantnan, servisionan di transporte i operadornan di tour.
Prestashon tòp 3 merkadonan na luna di aprel 2026
Hulanda: Un total di 24.620 turista a keda risibí for di Hulanda na luna di aprel, reflehando Kòrsou su merkado prinsipal ku un prestashon ekselente di 11% kompará ku aña pasá. Mayoria turista hulandes (55%) a opta pa un otro opshon di akomodashon ku no ta resort, miéntras 45% a skohe pa un resort hotel. Turistanan hulandes ta representá 33% di tur turista di estadia ku a bishitá nos pais durante aprel. E turistanan aki a keda un promedio di 11.4 anochi durante nan bishita.
Estádos Unídos: Estádos Unídos a keda un kontribuidó fuerte pa turismo di Kòrsou registrando 20.491 turista di estadia kual ta 14% kresementu kompará ku e mesun luna na aña pasá. Turistanan merikano ta representá 27% di tur turista di estadia ku a bishitá Kòrsou durante aprel. Den término di akomodashon, 68% di turistanan merikano a skohe pa resort hotels miéntras e sobrá 32% a opta pa otro opshon di akomodashon. Turistanan prosedente di Estádos Unídos a keda un promedio di 5.5 anochi na Kòrsou.
Canada: Kòrsou a risibí 4.754 turista for di Canada, reflehando un kresementu di 22% kompará ku e mesun periodo na aña pasá. Kanadesnan ta representá 6% di tur turista di estadia ku a bishitá Kòrsou durante aprel. Turistanan prosedente di Canada a keda un promedio di 7.3 anochi na Kòrsou, kaminda 49% a skohe pa hospedá na resort hotels. E merkado kanades a sigui demostrá kresementu stabil i interes fuerte pa Kòrsou.
Monitoreo kontinuo
Luna di aprel ta marka final di e temporada haltu di turismo. Kòrsou su popularidat a keda konstante durante lunanan di wenter, prinsipal for di merkadonan di enfoke. Logra mehorashonnan turístiko balansá ta keda esensial pa Kòrsou; sigurando kresementu ku ta fortalesé oportunidatnan ekonómiko miéntras ta preservá e loke ta hasi Kòrsou úniko i estilo di bida vibrante ku tantu bishitantenan komo komunidat ta balorá. E demanda kontinuo for di merkadonan prinsipal ta reforsá e importansia di esfuersonan stratégiko pa mantené tantu satisfakshon di bishitantenan komo bienestar di komunidat.
April performance marks strong finish to Winter High Season
WILLEMSTAD – May 13, 2026 – The Curaçao Tourist Board reports that stayover tourism continued to show positive performance in April 2026, reflecting sustained demand for the destination across multiple source markets. During the month, Curaçao welcomed a total of 75,332 stayover visitors, representing a 10% increase compared to April 2025.
Visitor profiles show that most stayover visitors traveled to Curaçao for vacation purposes (90%), while smaller segments visited friends and relatives (3%) or came for business-related travel (3%). Visitors stayed an average of 7.9 nights, reflecting meaningful time spent on the island. Extended stays continue to support broad participation across the local economy, benefiting accommodations, dining establishments, transportation providers, and tour operators.
Top 3 Source Markets in April 2026
The Netherlands: Stayover arrivals from The Netherlands reached 24,620 in April 2026, marking Curaçao’s largest source market and an outstanding performance with a notable 11% increase compared to last year. Most Dutch visitors (55%) chose non-resort accommodations, while 45% stayed at resorts. Dutch visitors represented 33% of all stayover arrivals during the month. On average, Dutch visitors stayed approximately 11.4 nights on the island.
United States of America: The United States remained a strong contributor to Curaçao’s tourism performance, with 20,491 stayover arrivals, reflecting a 14% increase compared to the same month last year. US visitors represented 27% of all stayover arrivals. Sixty-eight percent of visitors from the United States stayed at resort hotels, while the remaining 32% selected alternative lodging options. The average stay of US visitors was approximately 5.5 nights.
Canada: Curaçao welcomed 4,754 visitors from Canada in April 2026, marking a 22% increase over the same period last year. Canadian visitors accounted for 6% of total stayover arrivals. On average, Canadian visitors stayed 7.3 nights in Curaçao, with 49% preferring resort hotels. Canadian market continued to demonstrate stable growth and strong interest in the destination.
Ongoing Monitoring
As April marks the conclusion of the tourism high season, the island’s sustained popularity among its primary source markets throughout the winter months highlights its enduring appeal as a top travel destination. Achieving well-balanced tourism improvements remains essential for Curaçao, ensuring growth that enhances economic opportunities while preserving the unique charm and vibrant lifestyle that visitors and residents alike value. The continued demand across key markets reinforces the importance of strategic efforts to maintain both visitor satisfaction and community well-being.
