Gobierno di Aruba a reuni awe na Den Haag cu e minister nobo di Relacionnan Exterior di Hulanda, Tom Berendsen. E encuentro tabatin como enfoke riba cooperacion den Reino, desaroyo strategico y e situacion geopolitico den region.
Gobierno di Aruba a reuni awe na Den Haag cu e minister nobo di Relacionnan Exterior di Hulanda, Tom Berendsen. E encuentro tabatin como enfoke riba cooperacion den Reino, desaroyo strategico y e situacion geopolitico den region. Durante e reunion, Prome Minister di Aruba, Mike Eman, a expresa su agradecimento p’e envolvimento y solidaridad cu Reino Hulandes a mustra durante e reciente tension den region cerca di Venezuela.
Prome Minister Mike Eman a enfatisa cu durante e periodo di tension, Aruba a sinti claramente e apoyo di Reino. El a indica cu e momentonan aki a demonstra den practica e valor y importancia di e relacionnan constitucional den Reino, specialmente den area di relacionnan exterior y siguridad. Segun e Prome Minister, e cooperacion durante e crisis a confirma cu Reino ta comparti responsabilidad pa stabilidad y siguridad den region.
Ademas, durante e encuentro tambe a trata diferente oportunidad strategico pa Aruba. Entre otro, a discuti e MoU’s (Memorandum of Understanding) cu recientemente firma cu e partnernan internacional manera KLM, Schiphol y Wageningen University & Research (WUR). E iniciativanan aki ta enfoca riba desaroyo economico, fortalece e conexion internacional y cooperacion den area di sostenibilidad, conocemento y innovacion. Tambe a intercambia pensamento tocante e proyecto di EU preclearance cu por representa un paso importante den fortalece e posicion strategico di Aruba como hub internacional den region Caribe.
639114718427035"
639114718427035"