Hans Hillen, ex-politico pa CDA kende a fungi como minister di defensa, miembro di Eerste y Tweede Kamer for di decada ’90 a topa cu Prome Minister Mike Eman

Hans Hillen, ex-politico pa CDA kende a fungi como minister di defensa, miembro di Eerste y Tweede Kamer for di decada ’90 a topa cu Prome Minister Mike Eman. Hillen ta un bon amigo di Aruba. Su cooperacion den pasado tabata esencial pa estrecha e lasonan entre nos isla y Hulanda riba tereno di defensa pero tambe social. Su colaboracion tabata esencial pa logra formalisa e programa di Formacion Social. Awendia Hillen ta retira di politica pero ta keda den bon contacto cu Prome Minister Mike Eman. Ultimo Hillen tabata skirbi pa revista Hulandes Elsevier y tambe a skirbi un capitulo den e buki di Rene Zwart “Volk van Veerkracht, 40 jaar Land Aruba”. Na Den Haag, e la ricibi un ehemplar di e buki for di Prome Minister Mike Eman den presencia di Minister Plenipotenciario Mildred Schwengle.