𝐓𝐢𝐞𝐧𝐝𝐚 𝐋𝐞𝐠𝐚𝐥 𝐋𝐚𝐛𝐨𝐫𝐚𝐥 𝐚𝐰𝐨 𝐧𝐚 𝐌𝐅𝐀 𝐏𝐚𝐫𝐚𝐝𝐞𝐫𝐚

Awe dialuna 25 di mei 2026, Minister di Labor mr. Wendrick Cicilia conhuntamente cu Directie Arbeid en Onderzoek (DAO) ta anuncia cu ‘Tienda Legal Laboral’ (TLL) a habri su di dos localidad na MFA Paradera. E soft opening di e proyecto piloto aki ta marca un paso importante den e mision di DAO pa haci conseho laboral y informacion preventivo mas accesibel pa tur ciudadano. Banda di e prome localidad na MFA Savaneta, e di dos localidad na MFA Paradera (Paradera 145-C) ta ofrece e posibilidad pa brinda sosten den un ambiente neutral y di confiansa.