Entrega di ‘Relato Preliminar’ di “Komishon Rumbo Pa Progreso” di Partido Nashonal di Pueblo.
Entrega di ‘Relato Preliminar‘ di “Komishon Rumbo Pa Progreso” di Partido Nashonal di Pueblo.
Riba dialuna 1 di yoni durante un reunion di Direktiva di Partido Nashonal di Pueblo “Komishon Rumbo pa Progreso” a entrega su ‘Relato Preliminar‘ di su esfuersonan pa kumpli ku enkargo di Direktiva segun karta 17 di désèmber 2025.
Despues di diskushonnan i interkamblo internamente, direktiva di Partido Nashonal di Pueblo a konklui ku e organisashon di Partido tin espasio pa mehorá e kumplimentu ku su mishon. Direktiva a disidi di instala un Komishon segun artikulo 45 insise 1, di su statútonan i dun’e enkargo por eskrito dia 17 di désèmber 2025, pa has! un evaluashon profundo i duna rekomendashonnan ku básikamente tabata enserá 3 obhetivos
- Optimalisashon di funshonamento di e Partido;
- Analisa funshonamento di su órganonan statutario dirigi pa yega na mas dinamismo i revitalisashon die
Organonan ku lo reflehá den komunidat;
- Formulashon di un Plan di Akshon pa Partido ta bon prepará pa e siguiente elekshon.
E Komishon ta konsisti di sra. Joan Brewster, Sr. Angelo Reenis, sra. Maria Liberia–Peters, sr. Imro va Wilgen, Sra. Riglène Cristina, sr. Medgar Isebia i sr. Stanley Kwidama. E Komishon ta karga e nomber: “Komishon Rumbo pa Progreso“, indikando ku Partido no ta para ketu, pero ku Partido ta determina pa move pa Adelanto
E Komishon a tene kuenta ku 2 aspekto importante, esta ku Partido Nashonal di Pueblo a keda konstruí a base di un struktura ku den kalke proseso di modernisashon i/o kambio mester tene kuenta ku elementonan básiko ankrá den su struktura. Komo ta trata di un partido ku un trayektorio largu, mester a dediká basta tempu pa interkambiá ku diferente órgano i grupo ku tur di diferente forma ta aportando na e totalidat.
Komishon a tuma komo punto di salida funshonamentu di artikulo 17 di su statútonan, e asina yamá ‘Partijraad, esta Konseho di Partido. Ta trata di e artikulo ku ta akapará partisipashon di órganonan importante pa halsa e dinámika den Partido. Organonan manera Kórdinadónan di Bario, Konseho di Ala Femenina, Konseho di Ala Maskulino, Konseho di Ala di Hubentut (Hubenil), Kandidatonan riba lista di último elekshon i Parlamentarionan. Artikulo 17 ta habri posiilidat tambe pa invitá otro tipo di konsehero pa sierto interkambio spesifiko. Na diferente okashon despues di 17 di Désèmber Komishon a relatá na Direktva di Partido i tambe na Konseho di Partido (Partijroad) kon e trabou tabata avansado.
KvKur. 121234. MCB kuenta nr. 69837007 Facebook: PartidoNushonal di Pueblosinfo@pop.cw
Durante e Reunion General di Miembresia di 11 di mei último, miembronan den forma masha sinsero a vosiferá ampliamente nan inkietutnan pa lo ke ta funshonamentu di tantu Direktiva komo e organisashon den su totalidat. Reunion General di miembresia a konkluí ku e komishon debidamente a identifiká e inkietutnan ku ta reina bou di miembronan, pero a keda satisfecho di tende ku pronto lo duna Miembresía relato di e trabounan i a indiká ku na mes momento miembresia lo tin oportunidat di duna nan punto di bista i komentario konstruktivo pa konhuntamente nos yega na resolvé tur posibel inkietut ku por tin.
A Palabrá ku despues ku Direktiva tuma nota i formulá punto di bista riba kontenido di e relato, lo presentá e Relato tambe na miembresia di Partido den un Reunion General Informativo pa eventual komentario i/o remarkenan. Mientras tantu Komishon lo sigui traha riba algun aspekto ku ta eksigí un tiki mas tempu, pero ku lo keda inkuí den e Relato final na Direktiva i Partido.
Finalmente direktiva ta konfia ku realisando e rekomendashon aki Partido Nashonal lo pone un paso firme den direkshon di un rumbo nobo pa progreso di Partido.
Dudley Lucia Presidente
Respice Adspice Prospice
Renny Oehlers sekretario
KvKnr. 121234. MCB kuenta nr. 69837007 Facebook: PartidoNashonal di Pueblo.info@pnp.cw
