Retraso den servisio pa rekohé shushi gròf grátis den área di bandabou

 

Selikor ta informá ku debí na un retraso den e skema di rekohé shushi gròf di zona 1 siman pasá, lo adaptá e skema pa e siman akí. Entrante awe djaluna, lo adaptá e skema pa por finalisá e rekohementu di shushi gròf den e área di zona 1, área di bandabou.

Pa mas tardá djárason, lo kuminsá rekohé shushi gròf grátis den zona 2.

Pa kualke pregunta òf informashon adishonal, por tuma kontakto ku nos departamentu di Servisio na Kliente via e numbernan di telefòn: 434-1304, 434-1330, 434-1357 òf 434-1382. Ademas, nos ta disponibel via e-mail na info@selikor.com i via nos página di Facebook, Selikor NV.

Gerensia di Selikor ta pidi diskulpa pa kualkier inkonbeniensia ku e kambionan akí por okashoná.