Turismo di estadia ta sigui ku tendensia positivo di kresementu na luna di mei 2026 / Stayover Tourism Continues Positive Growth Trend in May 2026
Turismo di estadia ta sigui ku tendensia positivo di kresementu na luna di mei 2026
WILLEMSTAD – 11 di yüni 2026 – Ofisina di Turismo di Kòrsou (CTB) ta raportá ku turismo di estadia a mantené un trayektoria positivo di kresementu na mei 2026. Durante luna di mei, Kòrsou a risibí un total di 65.144 turista di estadia, representando un kresementu di 10% kompará ku mei aña pasá.
E datonan di e profil di bishitante ta indiká ku mayoria turista di estadia a bini pa vakashon (87%), siguí pa bishitanan relashoná ku negoshi (4%) i bishitá na famia i konosínan (3%). Turistanan a keda Kòrsou un averahe di 7.8 anochi, reflehando tempu signifikante pasá riba Kòrsou. E estadianan largu aki ta sigui sostené partisipashon amplio den ekonomia lokal, ku benefisio pa akomodashonnan, restorantnan, servisionan di transporte i operadornan di tour.
Prestashon tòp 3 merkadonan na luna di mei 2026
Hulanda ta sigui ta Kòrsou su merkado prinsipal na luna di mei 2026, ku un total di 20.672 turista ku ta 9% kresementu kompará ku mei 2025. Turistanan hulandes ta representá 33% di tur turista di estadia ku a bishitá nos pais durante mei. Mas ku mitar (54%) a opta pa un otro opshon di akomodashon ku no ta resort, miéntras 46% a skohe pa un resort hotel. E turistanan aki a keda un promedio di 11.3 anochi durante nan bishita.
Estádos Unídos ta e di dos merkado mas grandi pa Kòrsou, kontribuyendo ku 18.658 turista di estadia na mei 2026, kual ta 8% kresementu kompará ku e mesun luna na aña pasá. Turistanan merikano ta representá 29% di tur turista di estadia ku a bishitá Kòrsou durante mei. Resort hotels ta e eskoho di akomodashon preferí pa turistanan merikano, un total di 67% a skohe pa Resort hotels miéntras 33% a opta pa otro opshon di akomodashon. Turistanan prosedente di Estádos Unídos a keda un promedio di 5.5 anochi na Kòrsou.
Colombia ta sigui demostrá kresementu fuerte ku 4.523 turista di estadia na mei 2026, kual ta un kresementu di 14% kompará ku mei 2025. Bishitantenan di Colombia ta representá 7% di tur turista di estadia ku a bishitá Kòrsou durante mei. Resort hotels ta e eskoho di akomodashon preferí pa turistanan kolombiano (63%) miéntras nan a keda un promedio di 5.3 anochi.
Monitoreo kontinuo
Turismo di estadia ta sigui demostrá kresementu sólido na mei 2026, sostené pa resultadonan positivo for di e merkadonan prinsipal. E tendensia positivo aki a keda reflehá den e resultadonan akumulá te ku awor alkansando 374.216 turista entre yanüari i mei 2026, kompará ku 342.554 durante e mesun periodo na 2025, representando 9% kresementu. Kantidat di anochi a krese ku 10% durante e promé 5 lunanan di e aña aki reflehando un oumento den aktividat turístiko i fortalesiendo e kontribushon di e sektor na ekonomia lokal. E resultadonan aki ta resaltá e fortalesa di e sektor turístiko di Kòrsou i ta suprayá e importansia den mantené un maneho balansá di desaroyo turístiko, sostené kresementu ekonómiko miéntras ku ta preservá e karakter úniko di e isla i e kalidat di bida di su habitantenan.
Stayover Tourism Continues Positive Growth Trend in May 2026
WILLEMSTAD – June 11, 2026 –The Curaçao Tourist Board reports that stayover tourism maintained its positive growth trajectory in May 2026. During the month, Curaçao welcomed 65,144 stayover visitors, representing a 10% increase compared to May 2025.
Visitor profiles show that most stayover visitors traveled to Curaçao for vacation purposes (87%), followed by business-related travel (4%) and visits to friends and relatives (3%). Visitors stayed an average of 7.8 nights, reflecting meaningful time spent on the island. Extended stays continue to support broad participation across the local economy, benefiting accommodations, dining establishments, transportation providers, and tour operators.
Top Three Source Markets in May 2026
The Netherlands remained Curaçao’s largest source market in May 2026, generating 20,672 stayover arrivals, a 9% increase compared to May 2025. Dutch visitors accounted for 33% of all stayover arrivals during the month. More than half (54%) opted for non-resort accommodations, while 46% stayed at resort properties. On average, visitors from the Netherlands spent 11.3 nights on the island.
The United States ranked as the second-largest source market, contributing 18,658 stayover arrivals in May 2026, representing an 8% increase over the same month last year. American visitors accounted for 29% of total stayover arrivals. Resort hotels remained the preferred accommodation choice, with 67% of visitors selecting resort stays and 33% choosing alternative lodging options. Visitors from the United States stayed an average of 5.5 nights in Curaçao.
Colombia continued to demonstrate strong growth, with 4,523 stayover arrivals in May 2026, an increase of 14% compared to May 2025. Colombian visitors represented 7% of total stayover arrivals during the month. Resort accommodations were preferred by 63% of Colombian travelers, while the average length of stay reached 5.3 nights.
Ongoing Monitoring
Stayover arrivals continued to show solid year-over-year growth in May 2026, supported by positive results across the island’s key source markets. This positive trend was also reflected in the year-to-date performance, with stayover arrivals reaching 374,216 visitors between January and May 2026, compared to 342,554 during the same period in 2025, representing a 9% increase. Visitor nights also grew by 10% during the first five months of the year, reflecting increased tourism activity and strengthening the sector’s contribution to the local economy.
These results highlight the strength of Curaçao’s tourism sector and underscore the importance of maintaining a balanced approach to tourism development, one that supports economic growth while preserving the unique character of the island and the quality of life of its residents.
