Kliente ku sita pa kùr vehíkulo riba djaweps por pasa durante siman

Willemstad – Servisio pa Tráfiko i Transporte (UOVV) ta anunsiá ku tur kliente ku tin sita pa kùr nan vehíkulo riba djaweps 25 di yüni 2026 entre 13:30 i 15:30, por pasa na ‘keuringslokaal’ for di djamars 23 di yüni te ku djabièrnè 26 di yüni. Esaki mester sosodé segun orario di ofisina pa por kùr sin ku mester traha un sita nobo.

UOVV ta hasi e eksepshon aki mirando ku Gobièrnu di Kòrsou ta duna empleadonan públiko mitar dia liber riba djaweps. Esaki den kuadro di e partido di Kòrsou den mundial di Fifa.

Tur otro kliente mester pasa segun nan sita indiká. UOVV ta pidi komprenshon pa kualke inkumbinensia ku esaki por kousa.