KUERPO POLISIAL KÒRSOU 

KOMUNIKADO DI PRENSA

189/2026 

24 yüni 2026 

Kas na kandela ku herido 

Djárason 24 di yüni 2026, alrededor di 08:34‘or, sentral di polis a risibí  yamada ku un kas den John B. Gorsira tabata na kandela. Na yegada di unidat  di polis na e sitio, el a konstatá ku parti di e interior di e kas tabata na kandela. 

A pidi asistensia di unidat di brantwer pa yega rápidamente pa paga e kandela. Un habitante ku durante di e kandela a bai saka un kolchón pa minimalisá e  daño di kandela, a risibí kemadura. 

Ku ambulans el a keda transportá pa Sala di Emergensia di C.M.C. pa  tratamentu médiko. 

E kas a kima parsialmente i investigashon den e kaso aki ta kontinuá.