FFK TA GRADESÍ KOMUNIDAT DI KÒRSOU I TA WAK BÈK KU ORGUYO RIBA NOS PARTISIPASHON NA MUNDIAL FIFA 2026 – FFK BEDANKT GEMEENSCHAP VAN CURAÇAO EN KIJKT MET TROTS TERUG OP WK-TRAJECT!
FFK TA GRADESÍ KOMUNIDAT DI KÒRSOU I TA WAK BÈK KU ORGUYO RIBA NOS PARTISIPASHON NA MUNDIAL FIFA 2026
Federashon di Futbòl Kòrsou ke ekspresá na promé lugá su profundo gratitut na henter pueblo di Kòrsou. Den e último simannan nos pueblo a para komo un nashon sólido tras di nos selekshon nashonal di futbòl. E solidaridat, konfiansa i sosten inkondishonal ku nos a risibí for di tur skina di nos komunidat a sirbi komo un gran inspirashon pa nos hungadónan i e kuerpo tékniko. Tambe nos kier ekspresá un danki di kurason na e míles di fanátikonan ku a bai i apoyá nos den e stadionnan kaminda nos a hunga. Boso pashon i orguyo a laga tur hende sinti kiko Kòrsou ta representá. Huntu nos por wak bèk ku orguyo riba loke nos selekshon a logra.
Ku e derota di 2-0 kontra Costa di Marfil djasabra anochi, nos kampaña na Mundial FIFA 2026 a yega na su fin. Sin embargo, e resultado no ta kita nada for di e inmenso kompromiso, resilensia i aktitut profeshonal ku nos hungadónan i kuerpo tékniko a mustra durante henter e kampaña, representando Kòrsou ku honor i dedikashon.
Despues di e partido, e selekshon a bolbe mesora pa su basekamp na Boca Raton. Ku esaki, e torneo a kaba ofisialmente pa henter e grupo di hungadónan i staf. Debi ku hopi di nos internashonalnan mester reportá bek na nan klupnan den e próksimo dianan, i algun di nan hasta tin obligashonnan di kompetensia kaba e siman aki, a tuma desishon pa laga e selekshon liber for di Boca Raton. Algun hungadó ku den e próksimo periodo no tin un obligashon direktamente lo pasa algun dia di vakashon ku nan famia. Di e manera aki, henter e grupo ta haña oportunidat pa pasa un poko tempu ku nan famianan i prepará pa e kontinuashon di nan responsabilidatnan ku nan klup.
FFK ta deseá tur hungadó i miembronan di e kuerpo tékniko hopi éksito i ta gradisí nan pa nan dedikashon, profeshonalismo i e forma orguyoso ku nan a representá Kòrsou. Nos ta mira ku konfiansa pa e siguiente desafio i nos ta konta ku e mesun kalor humano i sosten di nos komunidat lo sigui uní nos den tur paso ku nos tuma pa dilanti.
26 yüni 2026
FFK BEDANKT GEMEENSCHAP VAN CURAÇAO EN KIJKT MET TROTS TERUG OP WK-TRAJECT!
De Federashon di Futbòl Kòrsou wil allereerst haar diepe waardering uitspreken aan de gehele gemeenschap van Curaçao. De afgelopen periode heeft ons eiland zich als één natie achter onze nationale selectie geschaard. Die verbondenheid, het vertrouwen en de onvoorwaardelijke steun die wij vanuit alle hoeken van de samenleving hebben mogen ervaren, hebben onze spelers en staf enorm geïnspireerd. Ook aan de duizenden supporters die ons in de stadions zijn komen aanmoedigen, spreken wij onze oprechte dank uit. Jullie passie en trots hebben overal voelbaar gemaakt waar Curaçao voor staat. Samen mogen wij met trots terugkijken op wat onze selectie heeft bereikt.
Met de 2-0 nederlaag tegen Ivoorkust kwam donderdagavond een einde aan ons FIFA 2026 WK-traject. De uitslag doet echter niets af aan de enorme inzet, veerkracht en professionele houding waarmee spelers en staf Curaçao gedurende de campagne hebben vertegenwoordigd.
Na de wedstrijd is de selectie rechtstreeks teruggekeerd naar het basiskamp in Boca Raton. Daarmee is het toernooi officieel ten einde gekomen voor spelers en staf. Omdat een groot aantal internationals zich de komende dagen alweer bij hun clubs moet melden en sommigen zelfs direct competitieverplichtingen hebben, is besloten de selectie vanuit Boca Raton vrij te geven. Enkele spelers, die de komende periode geen directe verplichtingen hebben, zullen eerst enkele dagen vakantie doorbrengen met hun familie. Op die manier krijgen spelers en staf, waar mogelijk, de gelegenheid om nog kort tijd met hun dierbaren door te brengen voordat zij hun clubverplichtingen hervatten.
De FFK wenst alle spelers en staf veel succes bij hun clubs en bedankt hen voor hun toewijding, professionaliteit en de trotse manier waarop zij Curaçao hebben vertegenwoordigd. Wij kijken met vertrouwen uit naar de volgende uitdaging en rekenen erop dat de warme steun van onze gemeenschap ons ook dan weer zal verbinden.
26 juni 2026
