KUERPO POLISIAL KÒRSOU 

KOMUNIKADO DI PRENSA

194/2026 

28 yüni 2026 

Kaso di tiramentu ku herido 

Djadumingu 28 di yüni 2026 alrededor di 05.00’or, Sentral di Polis a risibí informashon di un tiramentu ku a tuma lugá na un sentro nokturno riba  Cubaweg. 

Mesora a dirigí unidatnan na e sitio. 

Djis un ratu despues Sentral di Polis a risibí notisia ku un hòmber ku herida di  bala tabata direkshon di hospital. A dirigí un unidat polisial pa hospital tambe. Na hospital nan a topa un hòmber ku a yega komo okupante den un vehíkulo  partikular ku tabata sangra na pia. 

El a deklará ku un ratu promé el a keda alkansá pa un bala riba Cubaweg. 

Polis a konfiská e vehíkulo den kua e víktima a yega hospital i ta investigando e  kaso aki.