Evento ‘Blue Wave Takeover’ a presentá Kòrsou na Philadelphia, Durante Kopa Mundial di FIFA 2026 – Blue Wave Takeover Showcases Curaçao in Philadelphia, During FIFA World Cup 2026
Evento ‘Blue Wave Takeover’ a presentá Kòrsou na Philadelphia
Durante Kopa Mundial di FIFA 2026
WILLEMSTAD – 3 di yüli 2026 – Dia 24 di yüni, un dia promé ku Kòrsou su di 3 partido den Kopa Mundial di FIFA 2026, Ofisina di Turismo di Kòrsou (CTB) a organisá e evento ‘Blue Wave Takeover’ na Philadelphia, un merkado nobo ku ta situá serka di Kòrsou su merkadonan di enfoke prinsipal na Merka kual ta New York i Newark. E evento a reuní representantenan di medionan di komunikashon tradishonal i kreadónan di kontenido na Philadelphia. Adishonalmente, direktor di CTB, sr. Muryad de Bruin a partisipá den vários entrevista na televishon na Philadelphia.
E ‘Blue Wave Takeover’ a keda organisá den kolaborashon ku Diamond PR i a tuma lugá na Ballers kual ta un klup sosial di deporte ku ta inkluí un kancha di futbòl paden kaminda e representantenan di media a haña e oportunidat pa disfrutá di kuminda lokal, bebida, entretenementu i gana premionan fantástiko, manera ticket di entrada pa Kòrsou su wega dia 25 di yüni último i un biahe pa Kòrsou pa dos persona.
Den oranan di mainta dia 24 di yüni, sr. de Bruin a duna entrevista den diferente programa di mainta na kanalnan di televishon na Philadelphia. E kobertura a sali djis promé ku e wega di Kòrsou kontra Costa de Marfil na FOX29 Philadelphia, CW17 Philadelphia i 6ABC Philadelphia, kontribuyendo na e entusiasmo rondó di Kòrsou su promé partisipashon na Kopa Mundial. Total e segmentonan a yega na un oudiensia impreshonante di riba 3 mion hende.
E segmentonan a resaltá no solamente e historia ekstraordinario di e klasifikashon di Blue Wave pa e mundial di e aña aki, pero tambe a pone enfoke riba e orguyo i e kultura di Kòrsou ku a keda kompartí na e siudatnan anfitrion. Durante e entrevistanan ku sr. de Bruin, a elaborá riba kiko e partisipashon históriko aki ta nifiká pa e komunidat di Kòrsou i e impakto ku esaki lo trese pa futuro di deporte i tambe turismo na Kòrsou. Ademas FOX29 Philadelphia a kompartí e segmento riba nan página di Instagram den kolaborashon ku Fox5NY i FWC26Philly, alkansando un oudiensia adishonal riba medionan sosial di mas di 709 mil persona.
Blue Wave Takeover Showcases Curaçao in Philadelphia
During FIFA World Cup 2026
WILLEMSTAD – July 3, 2026 – On June 24th, one day before Curaçao’s third match of the 2026 FIFA World Cup, Curaçao Tourist Board (CTB) organized the “Blue Wave Takeover” event in Philadelphia to introduce Curaçao to the Philadelphia market, a new market in close proximity to Curaçao’s key USA source markets of New York and Newark. The event brought together traditional media representatives and content creators from Philadelphia. In addition, CTB Managing Director, Mr. Muryad de Bruin, participated in several television interviews in Philadelphia.
The “Blue Wave Takeover” was organized in collaboration with Diamond PR and took place at Ballers, a premium social sports club featuring an indoor soccer field. Media representatives had the opportunity to experience some local food, drinks, entertainment, and the chance to win exciting prizes, including tickets to Curaçao’s match on June 25th and a trip for two to Curaçao.
During the morning of June 24th, Mr. de Bruin appeared on several Philadelphia morning shows. The coverage aired just ahead of Curaçao’s match against Côte d’Ivoire on FOX29 Philadelphia, CW17 Philadelphia, and 6ABC Philadelphia, helping to continue the excitement around Curaçao’s first-ever FIFA World Cup appearance. In total, the segments reached an impressive audience of more than 3 million viewers.
The segments not only highlighted the remarkable story of the Blue Wave’s qualification for this year’s tournament but also the pride and culture that Curaçao has brought to the host cities. The coverage was centered around interviews with Mr. de Bruin, discussing what this historic Word Cup appearance means for the people of Curaçao and the lasting impact it is expected to have on the future of sports and tourism on the island. In addition, FOX29 Philadelphia shared the segment on its Instagram account in collaboration with Fox5NY and FWC26Philly, reaching an additional social media audience of more than 709,000 people.
https://6abc.com/videoClip/19374239/
